Loth Bailarako Kanpaina (XXV) - Geruzak

• Trubert Mahler, Talabeclandeko umemoko heraldo erdi-elfoa
• Astaröth, basoko elfo harro eta isila, primerako arkularia eta guda-dantzaria
• Elendir, Ulthuanetik etorritako Hoetheko iniziatua

Ruta

Gaztetasuna eta Zahartasuna

  Erroiaren Hilabetearen 23.eguna

Tordheimen gelditutako Konpainia Askeko kideak 24 ordu zituzten herritik alde egiteko. Baino nahikoak izan ziren printzerri honen barne gatazkak igartzeko. Bere ikerketa lanetan lagun berri bat egin zuten, mundu zaharrean aurkitzen zailak diren mota batekoak. Ulthuan irla misteriotsutik etorritako asur edo elfo garai bat. Elendir du izena eta Konpainia Askearen modura, Ogham harriei buruz gehiago jakin nahi du, honen atzean Loth bailarako bere anaien desagerpenaren ebazpena egotea espero baitu.

Beraien ikerketan, Gerusiak, beterano eta agurez osatutako asanblada, herriaren botere politiko erreala du eta Hieron, printzea, txotxongilo bat besterik ez da. Zaharrek bakea bermatzea dute helburu nagusitzat eta Ezkatadun Muinoko dormenioekin kolonizazio itun bat negoziatzen ari dira. Asanblada honetako kideak dormenioen gudak bizi izan zituzten eta ez dute berriz horrelakorik nahi. Baino gure abenturazaleak ikusi duten bezala, Tordheimen ez daude denak ados norabide politiko honekin.

Herriko soldadu gazteak, printzearen babesarekin, guda ireki baten alde daude, dormenioak betirako zapaltzeko eta bidean, gudak bakarrik eskaintzen duen ohorea eta ospea lortzeko. Gure lagunak, gizarte honen arrakalak ikusirik Gerusiarekin hitz egitera joango dira. Bertan, kantzilerra arazoari pisua kentzen saiatuko da.

Harri Pitzatuak
  Erroiaren Hilabetearen 23.eguna

Hala ere, Konpainia Askeak ikasi du ez dela aholkugarria alde bakaneko iritziekin lan egitea eta horrenbestez Tordheimen morroi bezala dauden dormenioengana jo dute. Haien ghettoan galdetuz putetxen bukatu dute Madam bezala ezagutzen den emakume dormeniar batekin hizketan. Haien dudak aurkeztuz lortu dute bertako dormenioak haien sekretu batzuk aitortzea. Badirudi Tordheimek sinatu nahi duen ituna ez duela herrian dauden dormenioen askatasuna errespetatzen eta horregatik ez dela ezer lortu oraingoz.

Trubert, Astaröth eta Elendirrek zerbait berria bururatuko zaie. Tordheimek ez du haien askatasuna bermatzen ez dutelako dormenio askeak herri barruan nahi. Beraz, beste aukera bat, orain morroi bezala dauden dormenioak Ezkatadun Muinoetara eramatea izan leike. Madamek muinoetan bizi diren dormenio tribuei ideia berri hau azaltzea proposatuko die gure abenturazaleei eta honela, txanpon berezi bat eman ostean, Tordheim eta Ezkatadun Muinoen artean dagoen batzar lekura abiatuko dira; Ate Dormeniarra (aspaldiko hondakin eta leku sakratua tribu hauentzat).

Zaindari Misteriotsua
    Erroiaren Hilabetearen 23.eguna

Hirukotea Ate Dormenioetarra iristean hutsa aurkituko dute. Aspaldiko eraikinen hondakinak belaze amaigabe batean ezkutatuak. Presarik gabe inguruak miatuko dituzte, dormenioen arrastorik balego, baino gaua iristean bilaketarekin amaitu eta kanpalekua altsako dute.

Orduan, lotarako prest daudenean, ezusteko itzela jasoko dute tamaina izugarriko otso bat, eta haren jabea, espiatzen aurkitzean. Mendirakoia lurralde hauetako dirudi eta otsoarekin batera eskualdea zaintzen du. Elendir eta Astaröthek mila galdera egingo dizkiote etorri berriari baino honek ez du txintik esango. Aholku bat besterik ez; dormenioak ezagutzekotan haien tribuetara joan beharko dira, Ezkatadun Muinoetan. Ohar batzuk emango dizkie lurralde horietako arriskuak ekiditeko eta etorri den bezala alde egingo du.

Mendi Txangoa
 Erroiaren Hilabetearen 24.eguna

Informazio guzti honekin gaua pasa ondoren dormenioengana jutea erabakiko dute. Motxilak prestatu eta muino arriskutsu horietara abiatuko dita. Bidean elfoek ereindako zuhaitz milenario bat, ardi basati batzuk eta Tancredo erregaren hitz batzuk zizelkatuak dituen mendi baten ondotik igaroko dira.

Mendia inguratzean odol arrasto batzuk aurkituko dituzte eta hauek jarraituz izaki ahuengarri eta usteldu batengana iritsiko dira. Sufritzen ari da eta eraldaketa baten erdian dagoen mutanteen antzera konzientzia apur bat gelditzen zaio laguntza eskatzeko. Trubertek, erruki, burua zartada batez moztuko dio.

Egiaren Geruzak
   Erroiaren Hilabetearen 24.eguna

Arratsaldeko azken argi izpiekin lortuko dute dormenioengana iristea. Han, gerlari hauen bizitza eta ohiturak ezagutuko dituzte, beriaen errespetua nanoekiko eta dragoiaren gurtza, erlijio bat izango balitz bezala.

Gure taldea, pentsatutako plana azalduko diote tribuko buruzagiari baino gizonak, ezezkoa emango die, egiaren beste geruza bat azalduz; Tordheimen bake asmoak faltsuak dira. Gerusiaren interes bakarra, Harri Pitzatuek bahitutako semeak berreskuratzea da. Dormenioek noble familien semeak harrapatu zituzten Tordheimekin gudua ekiditeko asmoz, eta oraingoz, herri honen patua atzeratzea lortu dute

Baino hau ez da dena. Aspaldiko dormenioen belagilea, Virutka, bere hegoaldeko bidaietatik bueltatu da, aldatuta. Muinoetako kobazuloetan sartu zen eta bere laguntzarengatik baitutako nobleak eskatu zituen. Horren truke, Tordheim garaituko zuela esan zuen. Harrezkero, kobazulo horretatik munstro ilun eta nazkarriak besterik ez dira atera.

Golnarath
     Erroiaren Hilabetearen 24.eguna

Erabat galduta eta etsita, hirukotea bi herri hauen etorkizuna beraien eskuetan uztea erabaki zuten, Ezkatadun Muinoetan gaua pasa eta hortikan alde egiteko asmoz. Baino buruzagiak azkeneko gauza bat erakutsi nahi zien. Berarentzat, agintzen zuen herriaren salbazioa izango zena.

Dormenioen kondairak diote, Muinoak antzinako dragoi baten bizkarrezurra dela eta dragoi hau berriz jaikitzean dormenioen etsaiak kixkaliko dituela. Trubert, Elendir eta Astaröthek begiak ezin itxi gelditu ziren lotan eta zaurituta dagoen Golnarath, dragoi erraldoia, ikustean.

Konpainia Askearen Banaketa

Trubert eta Astaröthek iparraldean gelditzea erabaki dute. Félix eta Ygrit hegoaldean erantzun gehiago aurkitu dituztela pentsatzen dute. Eta bapatean, Konpainia Askearen banaketa errealitate bat izango da. 

Hemendik aurrera, bloga eta kanpaina bi abiaduretan jungo da, iparraldekoen eta hegoaldekoen partiden arabera. Kronologikoki ez dute zertan paralelo joan behar eta jokalari bakoitzak ordezkari edo pertsonai bana eduki dezake leku bakoitzean. 

Hemen, Konpainia Askearen bi taldeak (jatorrizko pertsonai ak soilik)

Iparraldeko Konpainia Askea

Thorin

Snorri

Astaröth

Trubert Mahler

Hegoaldeko Konpainia Askea

Carlos Pitico

Felix McGregor

Grisban

Thoryen

Ygrit

Nicolai Jelavic

Tag-Raz

Kronologia III (2518-2527)

Kronologia II: http://roleatzen.blogspot.com.es/2017/01/kronologia-ii-2515-2518.HTML
Kronologia I:  http://roleatzen.blogspot.com.es/2017/01/kronologia-wfrp.html

 

Otso-Erregea (2518-2527)

Setioaren porrota

Luitpolden hilketaren ondoren sigmariten armada turba desantolatu bat zirudien eta Heinrich, berriz ere, garaipena lortu zuen gudu-zelaian. Honela, bere  zutoihalak astinduz , Altdorfeko harresietara hurbildu ziren. Setio azkar bat espero zuten, etsaiaren egoera ikusita, baino piztiak bezala, reiklandar kortaratuak sasisemearen eraso guztiei eutsi zieten. Gainera, hiriko azti eskolek eta nanoak haien alde jartzeak otso armadari kalte izugarri eragin zien.

2519ko neguan, gudaren amaiera urruti zirudin oraindik eta Heinrichek bere planak erabat aldatzea erabaki zuen. Enperadorea izan gabe  ere bere lurrak askatasun osoarekin kudeatzeko gai zen, ez zuen behar Altdorfeko gortearen oniritzia ezertarako. Tronu haren garrantzi exkasaz ohartzean armada hartu eta Talabeclandera bueltatu zen. Inperioaren desegite prozesua hastear zegoen. Botererik gabe, soilik Hochland, Stirland eta Averlandeko lurraldeak zin egin zuten leialtasuna enperadore berriari. 

 

Heinrichen koroatzea

Heinrich sasisemea Otso-Errege bilakatu zen Talabeclanden ospatutako koroatzean, jainko zaharren babespean, Taal, Rhya eta Ulriken apaizek errege berriari ongi etorria eman zioten. Berarekin batera, Nordland, Ostermark eta azkenik, Middenlandeko Kondeak (azken hau bere aita) izendatuak izan ziren.

Bere lehenengo neurria, erresumaren boterea birbanatzea izan zen. Middenland konderri boteretsuena zen, eta nahiz eta orduan bere aita egon, zeinek daki zer egin luketeen bere ondorengoek. Honela, lurraldearen hiriburua konderritik banandu zuen. Middenheim hiri-estatua sortu zuen,  eta bere agintaria Printzipe titulua izanik.

2521.en urtean Erengradeko Ituna sinatuko da Mittereich (lurralde zentraleko erresuma), Kislev eta nanoen artean, ekialdeko muga tinkatuz. Bitartean Inperialak, enperadore bat aukeratzeko adostasunik gabe gerran jarraitzen dute, Middenlandeko lurrak erasotuz, baino gudaren intentsitatea erabat murriztu da eta gainera Bogenhaffeneko portala nahiz eta gutxitua, eragabetasun izakiak kanporatzen jarraitzen zuen.

Lurralde liskarrak, Biltzarra eta Stirland

 
Halfling biltzarra ez zuen Luitpold enperadore bezala onartu baino zergak eta armada hornitzen jarraitu zuten 2522.en urtearte behintzat. Udara honetan Biltzarrako Agureak Inperioarekin zituen harreman guztiak etetea erabaki zuen, bere mendeko herritarrak ez baitzuten ezer onik lortzen Altdorfeko tronutik. Baino Reiklandeko nobleak iraultza zapuztuko dute bortizki.  Hala ere,Biltzarrak autonomia handiagoa eskuratuko du, armada propia lortuz.

Halflingak Biltzarraren Iraultzan

 

Gertu, Stirlanden, bertako gazteluetan mendez bizi izan diren gaueko izakiak Kondea hil eta Inperioko gudarosteak deseztatuko dituzte “Mila Izarreko Gauean”. Egun hortatik, Morr-eko apaiz eta zaldunak borroka amaigabe batean murgilduta daude, lurraldea bi zatitan banatuz. Bizirik daudenen lurraldeak edo Stirland zaharra, eta gaueko predatzaileen erresuma, edo Sylvania.

 

 

Norskako Inbasioa

 

Norkskako mendi izoztuetatik, Skaeling tribuko jarl boteretsu batek Inperioaren ahulezian abantaila ikaragarriak ikusten zituen. Valnir Styrbjorn, Egil Styrbjorn, Kaosaren gerlari eta errege ospetsuaren semeak, aukera bikaina ikusten zuen izen ona irabazteko eta bere tribuan itxi zitzaizkion ateak, golpeka hausteko. Mendebaldeko lurrak (Marienburg) eta Nordlandeko Konderria erasotu zituen 2523ko udaberrian, dozenaka drakkarrekin, eta ehundaka huskarlekin (norskako gerlari askeak).

 

Nordlaneko Kondea, von Roukov, bere lurraldeetako marineak prestatu zituen drakkarrak geldirarazteko eta Otso-Erregari laguntza eskatu zion. Marienburgek lurreko ejerzitoa prestatu zuen, merkatarien dirua erabiliz mertzenario mordo bat ordaintzeko eta bere bizilagunan antzera Altdorfeko Kontseiluari laguntza eskaera bat bidali zuten.  Baina Valnir trebeziaz mugitu zen eta Nordlaneko itsasontzi handi eta geldoak atzean utzita iparraldeko hondartzetan lehorreratu zen. Itsasoko rutak blokeatuak zeuden orain, aurrera egitea gelditzen zitzazion norseari.

 

Huskarlak eta bersekerrak gehiegi izan ziren bi ejerzitoentzat eta hegoaldeko soldaduak agertzen ez zirelarik, Nordlaneko hiriburua setiatzen hasi ziren. Salzenmund hiri gotortua errefuxiatuez gainezka zegoen eta ez zuen asko iraungo. Orduan, Laurelorneko basotik elfoen ostea azaldu zen. Taellende, basoko elfoen erregea laguntzeko prest zegoen, baldintza batzukin. Nordland ez zegoen negoziatzeko posizioan eta eskatutako guztia onartu zuen. Egun hortatik aurrera Laurelorn ofizialki Inperioko mugetatik at geldituko da eta basoan eraikitako gizonen koloniak elfoen erresumaren barnean geldituko dira (lehenbiziz, elfoen erresuma batean elfoak ez diren izakiak biziko direlarik).

 Hochlanden barkamena eta Oslanden berpiztea

Karl Franzen heriotzatik Ostalnd eta Hochlanden arteko muga liskarrak eman dira. Hochland, Reiklandeko Luitpold enperadoreakin aliatua dago baino Ostland iparraldeko eskualde sigmarita bakarra da eta presio diplomatiko handi batzuen ostean bi probintziek Elmund-eko bake ituna sinatuko dute 2525eko neguan.

 

Ordutik, Rudolf Königswald, konde elektorea bere iparraldeko mugetara berbideratuko du arreta eta inperioko leialtasun sistemetik at, Kislveko hegoalden kolonoak mugiarazten hasiko da, erresuma horren oniritzik gabe. Ekintza hau eta horrelako beste batzuk Iparraldeko gerren hasiera izango da.