Rabia do Mar [Isladak] - Pertsonaiak

 ILGORA/ISLADAK jokoen baliabideekin jarraituz, Unknown Armieserako prestatu nuen Rabia do Mar mini kanpainatxoa moldatzen ari naiz eta besteak beste, pertsonaiak sistema berrira pasa ditut. Hemendik utziko dizkizuet nahiz eta kanpainaren pdf-an ere agertuko diren.

Rabia do Mar - Pertsonaiak 

Bidesaria - Ilgora jokorako abentura

 Rolariok, Ilgora jokoa aurrera dijoa.  Hemen daukazue sarrerako abentura, partida labur eta xume bat arauak eta giropena ezagutzen hasteko.

Bidesaria 3-4 jokalarientzat prestatuta dago eta partidan agertzen diren aldez aurretik sorturiko pertsonaiak edo jokalariek dauzkaten pertsonaiak erabili ahalko dira. Petsonaiak Loth bailarara dijoan karabanaren parte dira, zaindari edo bestelako ardurekin. Laister konturatuko dira lurralde hauetara sartzeko ordaindu beharreko bidesariaz.

Besterik gabe, hemen uzten dizuet esteka:

Bidesaria

Loth Bailara - Control Status

 

Loth Bailarako Kanpaina bide nahiko bihurritua izan du azkeneko urte honetan. Alde batetik, azken 2-3 urtetako taldearen kronikak epemugarik izan ez duen geldialdia jasan du. Martxotik edo ez garela elkartzen eta gainera, errotazioa jasaten duen mahaia izanik, jokalari askok ez dute aspaldian euren pertsonaiekin jolastu. Baina dena ez da txarra izan urte arraro honetan (hauetan). Konfinamenduak eta telelanak distantzia askora (hiru herrialde ezberdinetan) dauden jokalari batzuekin kanpainaren kronika paralelo bat egitea ahalbideratu dit, partida mordoa jolastuz. Beraz, Loth ez da geldirik egon.

Orain, gure warhammer 2.edizioko arau kuttunei agur esan eta Ilgora sistemara migratzea dagokigun honetan, nahitaezkoa iruditu zait kanpainaren laburpen bat egitea.

Abenturazale Taldeak

Konpainia Askea: Hasiera hasieratik Loth bailaran barrena ibili den taldea, 8-10 kide izan dituena momento oro. Gaur egun ez da taldeko sortzailerik gelditzen abenturazale bezala, askok bailarako bidezidorren batean heriotza aurkitu zuten eta beste gutxi batzuk taldea utzi zuten helburu ezberdinak jarraitzeko asmoarekin (Kanpainako PeJ-tan bihurtuz)- Lehenengo urtean Aguileran agintzen zuen Ordenaren esanetara egon ziren baina zaldunen gainbeherarekin batera erori ziren eta  hiriko ziegetan usteltzen hamarkada oso bat igaro zuten. Horren ostean, kontu handiz ibili dira bailarako fakzio eta politika liskarretan.

Arnhoffeko Heroiak: Arnhoff herrian osatutako taldea, orain dela gutxirarte 3 taldekideez osatuta zegoena eta azken egunetan laugarren bat gehitu zaiona. Talde honen ibilbidea bere herriaren inguruan biratu du baina geroz eta kozienteagoak dira herria salbatzeko bailara osoa aintzat hartu beharko dutela.

Esklabuen Iraultza

Haserre eta etsita, Konpainia Askeak ostikada bat eman nahi zien txotxongilo bezala mugitu zien botere eta fakzioen ahoetan. Honela, Shallya (Maara jainkosa hemendik aurrera) Santutegiko monjekin batera igarobidean zehar aurkitzen ziren esklabuak antolatu eta iraultza piztuarazi zuten. Aguilerako gremioekin aliatuta zeuden lurjabeak, Kazorov Anaien aparatu esklabista osoa eta goblin oste bat aurrez aurre izan zituzten. Denak erori ziren. Orain esklabuak euren askatasunaren lehenengo hilabeteak gozatzen ari dira eta denok dakite laister, dagozkien eskubide eta botere zatia eskatuko dutela.

Aguilera, Sugeen habia

Bi taldeak ohartu dira Aguilerako hiri-kontzejua suge pozoitsuez beteriko habi bat dela eta eskua sartzea oso arriskutsua izan daitekeela. Oraingoz, 16 kideek bizirik jarraitzen dute baina traizioak, pozoidurak eta botere dema pil-pilean jarraitzen du. Gremioak, Ordenak eta beste fakzio ugari borroka etengabe batean murgilduta daude eta etorkizuna ez du inolako itxura onik. Gure pertsonaiak lehenengo saiakera baten ostean, kontzejukideen artean hiltzen hastera itxoitea erabaki dute.

Arnhoffeko Defentsa

Arnhoffeko heroien balentria ikusgarriena dudarik gabe. Nekazari-kooperatiba honen harresiak defendatu dituzte goblin armada eta bidelapur zein kriminalen aurrean. Denak garaitu dituzte eta herria oparotasun aro baten lehenengo zantzuak dastatzen ari da. Inguruko bizilagunak hurbiltzen ari dira eta beste hirietako pertsona batzuen arreta erakarri dute. Baina garaipenek beste erronka ezberdinak ekartzen ditu eta eztian ere itotzea posible da.

 Antzinako Mehatxauak

 Kanpaina osoan zehar egon den misterioa. Gelako elefantea. Hasieran, Konpainia Askeak mandatari ilun batzuen aurka borroka behar izan zuen (prezio altu bat ordainduz) eta orain, Arnhoffen ere izurrite honen pistak agertu dira. Zer dira munstro horiek? Nola hedatzen dira? Badirudi nanoen aspaldiko burdinolan sartzeko asmoa dutela baina oraingoz euren ahalegin guztiak alferrikakoak izan dira.

Kazoroven Sarea

Bailaran izan zituzten lehenengo arerioak, kriminalez osatutako erakunde boteretsua eta esklabutza sare erraldoi baten antolatzaileak. Dudarik gabe, gainbeheran daudenak orain. Konpainia Askeak bultzatutako esklabuen iraultzak kazoroven agenteak birrindu zituen, bidean lurjabe handiekin ere akabatuz. Hankaz gora dagoen erakundea da orain eta badirudi arratoiak hondoratzen ari den barkua uzten ari direla.

ISLADAK - Pertsonaia Orria

 

Rolariok orko, elfo eta ezpatez gain beste gauzetaz ere elikatzen garelako, hemen duzue Isladak jokorako pertsonaia orria. Ilgora bezala, Myhtras sistema du oinarritzat eta fantasia urbanoko partidetarako pentsatuta dago. 

Gure kasuan, Kult edo Vampiro la Mascarada bezalako jokoetarako erabiliko dugu.

Besterik gabe, Isladak - Pertsonaia Orria

ILGORA - Aldez aurretik sortutako PJ

ILGORA jokoaren lehenengo proba partidekin hasi gara, ODOL AIERUAK bezala ezagutuko den abenturarekin hain zuzen eta jokalariei zama gehiegi ez jartzearren aldez aurretik sortutako pertsonaia batzuk sortu ditut.

Konturatu naiz pertsonaia sorrera oso pertsonalizatua baina nahiko astuna dela, MYTHRASen antzera. Buelta batzuk eman behar zaio prozesu guztiari.

Odol Aieruak - Pertsonaia Jokalariak

MYTHRAS - Arau Laburtuak

Eguneraketa honetan, mythras jokorako beste baliabide batekin nator. Thorkrim-en dokumentuaren itzulpena hain zuzen ere (jatorrizko dokumentua).

Guk, ILGORA jokorako erabiliko dugu, mythras sisteman oinarrituta baitago. Besterik gabe, esteka hemendikan uzten dizuet eta blogeko eskubiko zutabean dagokion atalean ere aurkitu ahalko duzue.

Ondo izan!

Mythras - Arau Laburtuak

ILGORA - Pertsonaia Orria

 Ilgora jokoa amaitzear daukat, edo gutxienez bere zirriborro bertsioa. Laister hasiko gara jokoa probatzen lehenengo partidekin eta horretarako ezinbestekoa dira pertsonaia orriak!

ILGORA-PERTSONAIA ORRIA