2017(e)ko abenduakren 12(a), asteartea

Konpainia Askeko Ezagutza


Orain arte, gure abenturazaleak leku eta eskualde askotan egon dira, herria eta jende desberdina ezagutuz. Hona hemen leku guzti hauen egoera politikoaren laburpen txiki bat:

Igarobidea



Shallyako Santutegia

Shallyako monja talde baten etxe eta babeslekua. Iparraldetik datozen errefuxiatuen lehenengo geralekua da eta horrenbestez ospitale erraldoi bat dirudi. Errege nano baten hilobia zen eta gure heroiak haren madarikaziarekin amaitu zuten. Orain, milizia eta zaldun talde bat antolatu da inguruan dauden esklabistei aurre egiteko asmoarekin.
Agilerako Ordena eta Errebala
Dieterrek sortutako ordenaren egoitza, antzinako monastegi batean kokatzen da. Defentsa paregabekin, harresien kanpoaldean errefuxiatu eta kolono pila bildu dira, Errebala izena duen herria sortuz. Agilerako Ordena Kazarov anaien aurkako guda zikin batean murgilduta dago, beste lurraldeetan kolonizazio intentso bat bultzatzen duen bitartean. Bestalde, Errebalean agintzen zuten gaizkileak kanporatuak izan ziren Konpainia Askearen eskutik eta orain bertako gremioek agintzen dute.
Yetzineko Transbordadorea
Kazarov anaien banda kriminalak kontrolatzen du Yetzin errekako bi ertzak konektatzen duen transbordadorea eta bere inguruan hazi den komunitatea. Merkatu beltza eta esklabutza sareekin erlazio zuzena dute, hegoaldeko kalifatuaren eta piraten sozioak izanik. Agilerakin borrokan dabiltza, Igarobidea eta honek ekarriko lukeen errefuxiatu jarioa kontrolatu nahiean.
Epigonoen Lurraldeak

Haford
Nahiz eta teokrazia bat izan ofizialki, orain dela gutxi arte d'Antonelli eta bere azpikeriek agintzen zuten artzapezpikutzan. Baino haren manipulazioak gutxirako balio izan zuten Epigonoen Talkan, non lau aldeko guda azkar eta bortitz baten ostean d'Antonellik burua galdu zuen eta hiria piratenpean gelditu zen. Hala ere, itxurak gorde egin dira eta oraindik apaizak esertzen dira jauregi zaharrean.
Warwick
Frederick Feuerbauem anbizio handiko printzearen buruzagitzarekin eta botere askoz ilunago batzuen laguntzaren bitartez potentzia militar bat zen Warwick. Baino Konpainia Askearen esku hartzea eta piraten laguntza Hafordi bere amets espantsionistekin amaitu zuten. Orain, zauriak sendatzen ari da, aipatatuko boterearen itzala izanik.
Bisby
Talasokrazia edo itsas nagusitasunean oinarritutako agintaritza duen hiria da Bisby. Hiru familiek kontrolatzen dute gainbeheran dagoen herri hau. Piratek eta Merkataritza Konpainiak losintxatzen dituzte  Bisby bere ontziola erabiltzeko asmoz (bakarra orain dela gutxi arte iparralde osoan).  Hutsala epigonoen arteko botere liskarretan.
Durham
Nínive baso ondoan kokatzen da Durham. Aspaldi ehiztari eta egurgile harroen etxea, denbora luzez nefarita edo deabru printze baten  esaneta egon da. Soilik gure protagonisten presentzia eta basoko elfoen trebezia magikoak ahalbideratu du herri honen askatasuna. Inorrek ez daki zer egingo duten orain durhamtarrak lortutako askatasun berri honekin.
Tordheim
Muino ezkatadun eta dormenioetik gertu eraiki zan Tordheim. Guda etengabekoa izan da eta bere gerlariak ospe izugarria dute Lurralde Lehiatu guztien barrena. Beterano asanblada batek kontrolatzen du herriaren patua nahiz eta Hieron, epigonoa, agintari ofiziala izan. Barne tentsioak nabariak dira harresi sendo hauen atzean, zaharrek dormenioekin negoziatzen ari diren kolonizazio ituna dela eta, eta gaur eguneko bake ahuskorra edozein egunetan desagertu leike.
Artois, Saint Monte eta Petit Chateau, herri bretoiarrak
Gurutzada sakratu baten porratatik hiru herrixka hauek bananduta bizi izan dira, botere lehian. Orain, nahiz eta Uregnia (errege izan zitekeen zalduna) hilda egon, Dama faltsuaren agerpena eta grialeko zaldunen sorrerarekin hiru dukerri hauen batasuna errealitate bat izan leike.
Nínive

Maara
Basoko elfoek garaipen ikaragarriak izan dituzte bretoniarren laguntzari eskeri. Dama faltsu baten gezurra sinistean zaldunek kaosaz estalia zegoen lurralde sakratua garbitu zuten eta giza-piztien tribu oso bat suntsitu eta gero elfoek beraien etxearen zati handi baten jaun eta jabe bilakatu dira. Orain, Konpainia Askeak lortutako ezagutza erabiliz, antzinako Ogham harri bat eraikitzen ari dira; Lehenengo pausua bailara araztatzeko.
Lurralde Lehiatuak

Epigonoen lurraldeen ekialdera denek erreklamatzen dituzten lurraldeak hasten dira. Leku arriskutsua eta zibilizaziorik gabe. Mota guztietako izaki eta piztien ezkutalekuan bilakatu da orain dela mende asko nanoen gotorlekuez beteta zegoen eskualdea. Are ekialderago Ezkatadun Muinoak aurkitzen dira eta Konpainiak dakienez dormenio tribuen lurraldea da.
Mikvar

Oso gutxi dakigu Mikvar izeneko eskualde honetaz. Yetzinen beste aldean gelditzen da eta badirudi bailara osoan dagoen baso handiena hemen aurkitzen dela. Bertan, aspaldi, elfoen leinu bat bizi eta baliteke Konpainia Askeko Astaröth kidearen arreba hemen egotea.
Hegoaldea
Lurralde Lehiatuetatik Yetzineko korrontea hegoalderuntz jarraituz Entrerioseko lurrak zeharkatuko ditugu azkenean itsasora iritsi arte. Bertan, kostako deltan Hiru Perlen hiria aurkituko dugu. Istorioak diote hiri tileano hau bailarako handiena dela, aberastasunez beteta eta nahiko diru izanda, bere kaleetan edozer aurkitu (eta erosi) ahalko dugula.  Merkataritza Konpainia eta Remaseko Bankuak hiria irmoki kontrolatzen dute.
Baino zibilizazio irla hau orko hordez eta mertzenario konpainiez inguratuta dago. Hala ere, zurrumurruek diote orkoek hegoekialdera dagoen desertutik ihesi doazela iparraldera.
Azkenik, elfo garaien kokalekuaz hitz egin beharko genuke. Duela milaka urte kosta hauetan Ulthuaneko erresumak kolonia edo esplorazio postu bat izan zuen, baino meteoritoaren agerpenatik ez da ezer gehiago jakin.


2017(e)ko abenduakren 10(a), igandea

Loth Bailarako Kanpaina (XXIV) - Konpainia Askearen Bidegurutzea


Ezinezkoa da... Beti izan naiz hirugarren bidearen aldekoa... Bainan gaur onartu behar dugu maitia bi aukera baizik ez dira : A ala B... A ala B...


Heldutasuna iritsiko da nun ekintza bakoitza erabaki bat den... Ta hor hasiko gira zahartzen, erabaki bakoitza lagundua baita damu batez batzutan, dolumin batez besteetan.

Willis Drummond - A ala B


  • SnorriIparraldeko mendietatik etorritako nano diletantea.
  • NicolaiKisleveko gaiztagin bitarikoa
  • Ygrit, Erreka-guardia gixa dabilen neskatxa ilegorri bretoniarra.
  • Felix McGregorbizitzaren zentzu berria aurkitu duen iniziatu eta igarlea 
  • Thorin, Zhufbarretik etorritako familia nobleko nano ausarta.
  • Trubert MahlerTalabeclandeko umemoko heraldo erdi-elfoa
Tordheim
  Erroiaren Hilabetearen 21.eguna

Hurrengo eguneko lehenengo argi izpiekin Bisby utziko dute eta gurdia prestatzean bidera aterako dira. Shrane ibaiatik paralelo doan karretera jarraituz Tordheim lau bat orduta iristea espero dute. Baino Lurralde Lehiatuak arriskuz beteta daude eta izugarrizko izozte bat jasaten ari direla ezustean harrapatuko dituzte.


Ibaian arrantzan zeuden goblin patruila batek bortizkeri handiz erasoko dute. Txikitxuak arkuekin errekaren bestaldean eta buruzagia bere bi troll beldurgarriekin gurdira hurbilduko dira. Nicolai karruaren gainean prestatuko da, bere arkua tenkatuz. Felix zaldiak gidatzen saiatuko da baino trollak lehenengo bien lepoak hautsi ondoren Konpainia blokeatuta geldituko da. Honela, nanoak bi eskuko aizkora banakin munstroei aurre egingo diete. Trubert goblinen arreta deitzen saiatuko da eta Ygrit, Felixen laguntzarekin buruzagia hertsatuko du.

Troll eta nanoen zanpatak ikaragarriak izango dira eta lur izoztua odolez eta trollen okeden estaliko da. Snorri lurrean amaituko du burua irikiarekin lehenik troll baten bularra ireki duelarik. Azkenean, banan banako borrokan Thorinek bigarrenarekin bukatuko du Felix buruzagia sastakatzen duen bitartean. Gelditzen diren goblinak ihesi joango dira eta trollak gurdian kargatu ondoren Tordheimeko bidea jarraituko dute.

Tordheim harresidun hiria da, muino batean eraikia eta tradizio militar handia duena. Orain dela 40 urte guda luze bat izan zuen inguruko dormenio tribuen aurka eta garaipena lortu zutenetik eskualdeko botere garrantzitsuena izan da. Gerlarien gizarte bat da eta kaleetatik ibili ostean hainbat gauza ikasiko dituzte.

Tordheim

Tordheimen Gerusia izeneko beteranoen kontseilu batek agintzen du. 20 agure hauek guda hartako heroiak dira eta errespetu handia izan dute herrian. Beraien itzalean Hieron aurkitzen da, Tordheimeko epigonoa eta ofizialki agintari bakarra. Baino bere aitak familiaren izena ona galdu zuenetik ezin izan du askorik egin. Gerusiak hala ere, urte asko damaki dormeni basatiekin hizketan, kolonizazio itun bat lortzeko asmoarekin eta antzinako indarkeriazko espantsionismo hura alde batera uzteko. Baino Hieron kontran dagoela dirudi eta ez dago bakarrik. Guda ezagutu ez duten gerlari gazteak aspertuak daude itxoiteaz eta negoziaketak amaitzeko eskatzen ari dira.

Honek guztia giroa gaiztotu du eta gainera, honi herrian dauden dormenio morroien egoera kaxkarra gehitzen badiozue, bolborotegi baten aurrean gaudela ohartuko gara. 

Erabakiak
  Erroiaren Hilabetearen 22.eguna

Herriko putetxean gaua pasa eta goizean goiz, gosaria dastatzen ari direla, Konpainiaren barruan zegoen liskar isil bat haizeratuko da. Batzuk Tordheimen gelditu nahi dute, jakin berri duten arazo hauetaz gehiago jakiteko. Besteak segituan alde egin nahi dute. Eztabaida txiki honek  beste handiago bat mahaigaineratuko du. Felix hegoaldera joan nahi du, Hiru Perletako hirira, bailarako hiri handienera, han elfo garaien pistaren bat aurkitzeko, beraiek bait dira Ogham sarea aktibatzen dakiten bakarrak. Baino hegoaldeako eremu zabalak kaos eta beste izakiez izurrituta dago eta gainera badirudi orkoen inbasio bat datorrela handikan. Trubertek ordea, Igarobide eta Epigonoen lurraldeetan gelditu nahi du. Onartzen du sarearen aktibaziorako elfo garaiak behar dituztela baino Ogham harriak banaka aktibatzeko laguntza beharko dute eta aliatuak. Horregatik, nahigo du lehenbizi hemengo arazoak konpondu, lagunak egin eta ondoren hegoaldera jun.

Konpainiako bi lagun hauek banandu egingo dira eta besteak zirt edo zart egin beharko dute bati edo besteari jarraituz.






2017(e)ko abenduakren 8(a), ostirala

Loth Bailarako Kanpaina (XXIII) - Epigonoen lurrak ikuskatuz

  • SnorriIparraldeko mendietatik etorritako nano diletantea.
  • NicolaiKisleveko gaiztagin bitarikoa
  • Tag-Raz, Lurralde Lehiatuko ogro mertzenario harrigarrirki azkarra.
  • Carlos PiticoEstaliako aitoren semea, handizalea, berekoia eta esgrima maisua
  • Felix McGregorbizitza hobego bat bilatzen ari den kontrabandista inperiala
Amaiera gazi-gozoak
  Erroiaren Hilabetearen 19.eguna

Hainbeste heriotzen ostean, tristea izanen da zerbait ospatzea. Gorpuak hozten ari zirela, Damak, bere alboan izan dituen zaldunak sarituko ditu. Malkoak isuriz, Saint-Monteko Tristair, Galhad eta Bors, grialeko zaldun izendatuko ditu. Petit Chateautik bizirik gelditu den zaldun bakarra bezala, Benoît Dupont.

Ekitaldi garratz honek, eginkizun alaiago bateri lekua egingo dio; Elfoak aldare iluna suntsitzen hasiko baitira, denborarekin Ogham berri bat eraikitzeko asmoz. Baino kasu guzti hauetan Konpainia Askeak ez du zer egiterik, Uregniaren heriotzarekin aske dira, berriz ere, edonora joateko. Eta irakurleok, badakizuete, honelako egoeratan izan dela, orain arte, arriskutsuenak.

Zer gertatu da Epigonoen lurraldeetan?
  Erroiaren Hilabetearen 19.eguna

Baina edonora jun aurretik, atzean utzitako anabasaren hautsak nola finkatu diren jakin beharko dute eta orain arte informazio iturri izan den Logiara abiatuko dira. Basotik ateratzean epigonoen beste herrietatik ihes egindako kolono batzuekin topo egingo dute. Niniveko zuhaitzak mozten ari dira etxe berriak egiteko eta samariar onaren paperean, Felix eta Piticok ekintza honek ekar ditzaken arazoetaz abixatuko dituzte. Gainera, joan aurretik, lekua batailatuko dute.

Talare Novoko kolonoak lanean

Herri berria atzean utzi ondoren, eta Artois eta Neuendorfeko bide gurutzetik gertu mendiko nanoek gobernatzen duten "Jarra Hautsiak" ostatuan geldituko dira. Eztarriak busti eta bidera bueltatuko dira gure abenturazaleak.

Bidegurutzea pasa eta Logiako aldapan Epailearekin aurkituko dira. Bere suan Felixek berriz ere, burua sartuko du eta ikusitakoa talde guztia txundituta utziko du. Hauek izan ziren Felix Igarlearen hitzak:

Bi mandari ilun berrien izendapena. Ume bat, Pieter Blutrochen semea. Eta elfo bat. Berriz 12 dira.

Profezia honekin Liburuzainarekin elkartuko dira eta informazioa elkartrukatu ondoren Neuendorf bisitatzea eskatuko die 50 urre koroengatik.

Mamuen Herria
    Erroiaren Hilabetearen 19.eguna

Taldearen arduragabetasuna baieztatuz, Neuendorfera joango dira. Han, mamu herri batekin egingo dute topo. Hans Bremmenek herria garbitu zuela dirudi baino etxeak ikertu ondoren eszena beldurgarri batek ustekabean hartuko ditu. Soto batean, bizirik gelditzen diren Aguilerako kolonoak daude. Hezur hutsean, eta lotuak, energia ilun batek bizitza xurgatzen ari zaiela. Energia hori portal txiki batera doa eta oraingoz ez ditu kolonoak guztiak akatu. Apaiz Igarlariak, tradizioak mantenduz burua sartuko du portal barnean eta alderantzikatutako piramide batean azalduko da, bi hankeko giza-musker batzuk ia lepoa mozten dioten arte.

Taldearen iritziaren aurka Felix herritarrak salbatzen saiatuko da baina Hans Bremmenen agerpena eta mehatxuak plana alde batera uztea lortuko du. Neuendorf ez da gehiago existitzen. Alde egiten dute.

Neuendorf
Shraneeko Bidea
   Erroiaren hilabeteko, 20.eguna

Logian irabazitako dirua lortu ostean, Epigonoen lurraldeetako ezagutzen ez duten azkeneko herria ikusteko garaia dela erabakiko dute. Shrane erreka jarraituz eta Felix gurdiarekin. Bidetik tileano arrantzale zahar bat eta mendiko nanoen erreka ertzeko herri txiki bat aurkituko dute. Jaramon askorik egin gabe, Bisby-ra heldu nahien baitaude.

Bisbyn, Eneas Voronov, Claudio Pritely eta Theodor van Pujj talasokratekin hitzartuko dira baino gauzak ez dira oso ondo aterako eta hitz itsusi batzuen ostean Tag-Raz eta Piticok herriko ziegan amaituko dute.

2017(e)ko azaroakren 22(a), asteazkena

Loth Bailarako Kanpaina (XXII) - For whom the bells tolls (III)



"LASCIATE OGNI SPERANZA, VOI CH'ENTRATE"
                                            
                                                                      Dante


Niniveko guda zelaia erabateko anabasan murgilduta zegoen. Hiru bandoa sarraskian bete-betean. Kaos gerlariak ez dute parekorik izango eta ezkuteroekin batera, bestigor eta minotauroak ere pairatuko dute haien bortizkeria.

Baino bretoien eta elfoen armada diziplinarekin jarraitzen duten bitartean, gizapiztiak, azkenik, moral gabe geldituko dira. Beraien indar ahaltsuenak lurra odoleztatzen ari dira eta mekanismo bakarra izango balira bezala, denak batera ihesean hasiko dira.

Orain, Kaos gerlariekin soilik borrokatu beharko dute.

Infernuko Ateak
  Erroiaren Hilabetearen 18.eguna

Borroka jarraitzeko prestatzen ari zirela, gure pertsonaiek eta baita, beste gerlari guztiak beroa sumatzen hasiko dira (negua izanik) eta baita erre usaina ere. Kaoseko arerioak ezpatak gorde eta belaunikatu egingo dira. Bretoiak zur eta lur geldituko dira. Jainko Ilunen zerbitzari etorri berria ikustean.

Azazoth, Durhameko Nefarita

Azazoth, erdi gizaki, erdi deabrua eganez iritsiko da. Bere inguruan bizitza guztia usteldu edo hil egingo da, halakoxea baita, Deabru Printze baten natura. Bere presentziarekin bakarrik, eta soldaduei begietara begiratuz bretoien eta elfoen armada erdiak alde egingo du.

Bere gerlariak hanka egitean, Uregniak bere garaipena dudetan ikusiko du. Eta ez du onartuko. Bere armada inspiratu behar du baina karga prestatzen ari dela, Konpainia Askeko apaiza, Felix, erasoarekin hasiko da, Deabrua mehatxatuz. Azazothek ez du asko behar eta segundu batzuetan McGregor hamar bat metrota botako du, hilzorian. Orduan, Uregniak zaldia astindu eta heroi batean bilakatuko duen borrokara abiatuko da. Gauza da, Azazoth ohartu dela bretoi honen garrantziaz eta ez du gupidarik izango. Bretoia bitan zatituko du eta jarraiean Jean-Michel, Uregniaren lagun kuttuna ere akatuko du.

Muturreko Neurriak

Egoera honetan, Selinonde eta Damak (Vanyak) aukera bakarra ikusiko dute. Inguruko magia haizeak bilduz portal txiki bat sortu eta Deabru Printzea bertara bota. Zorte pixkat batekin denbora epe batez eragabetasunaren planoan harrapatuta geldituko da. Honela, aztiak boterea lortzen zuten bitartean besteak denbora irabazi beharko dute.

Thoryen izango da lehenengoa. Bere botereak erabiliz deabrua lokartzen saiatuko da, baino izaki honen indarra bere mailatik oso urruti dago eta porrot egitean deabruak konorterik gabe utziko du kolpe bakar batez. Astaroth, Nicolai, eta Ygrit geziekin estaliko dute baino Pitico izango da bakarra, buruz buru, deabrua geldiaraziko duena. Segundu batzuk behintzat. Nahikoak aztiek deabrua kanporatu ahal izateko.

Azazothen desagerpenarekin, kaos gerlariak guda zelaitik alde egingo dute eta sinistu ala ez, Niniveko bataila amaitutzat emango da. Garaileak? Basoko elfoak dudarik gabe. Bretoiak gizon erdiak galdu dituzte, Jean-Michel eta etorkizuneko erregeaz aparte. Konpainia Askeak apustua galdu du.


2017(e)ko azaroakren 15(a), asteazkena

Loth Bailarako Kanpaina (XXII) For whom the bells tolls (II)


"Ikusitako izugarrikeriak...zuek ikusitako izugarrikeriak.
Baino ez dezue eskubiderik neri hiltzaile deitzeko.
Ni erailtzeko eskubidea dezue. Eskubidea duzue hori egiteko...
Baino ez epaiketarik egiteko. Ezinezkoa da hitz soilekin
azaltzea zer den laztura, laztura ikusi eta ulertu ez dutenei.
Laztura...lazturak aurpegi bat du...eta lazturaren lagun izan behar zara.
Laztura eta izu morala zure lagunak dira. Ez bailira, orduan,
zure etsaiak izango lirateke."

                                                                                                     Kurtz Koronela - Apocalypse Now


Errealitatearen Hotzikara
              Erroiaren hilabetea, 18.eguna

Goiz hotza, pagoen artean. Hilabete hotza, orokorrean. Aurreko eguneko lokatza izoztuta dago oraindik eta zaldiek ez dute arazorik izan maniobratzeko. Eskubiko aldean Saint-Monteko zaldunak lerrokatu dira, ezkuteroak erreserban utziz. Aurrez aurre gizapiztiek aurkeztu dezaketen arerio diziplinatuena dute, bestigorrak. Izaki hauek bi metro luze neurtzen dute, borroka amaigabeak ahalbideratzen duen gorputza eta adar sendoak. Gerlari profesionalak dira, eta ez dira izutuko. Guda zelaiareen erdigunean Petit Chateau zaldunak kokatu ira, Uregnia eta bere lagunak buru direlarik. Ausar hauen etsaia, minotauro basati eta bortitzak dira. Talka izugarria izango da.
Minotauro




Bestigor





















Ezkerraldean Artoiseko oinezko zaldunak ikusi ditzakegu. Zaldirik gabe, alde hau atzean gelditzeko arriskua du eta liskarren linea, ziurrenik, diagonalean amaituko du. Haien aurka gor andana, gizapiztien gerlari arruntak. Bukatzeko, bi armaden atzekaldean, jaurtikariak. Nekazari, morroi eta ungorrak. Sarraski hau distantziatik aztertzen, gizapiztien aldarea eta Dama eta bere eskolta.

Zaldien sudurzuloetatik lurrun tximiniak. Gizonen masailak, izerdi errekak eta hatz-koskorrak txuriak, ezpatak indar guztiarekin eusteagatik. Bataila hau lehenengotzat dutenak zaldun zaharrei begiratzen diete azalpen bat esperoz. Uregniak besoa altxa eta gerlariak gudu-kanta batekin erasotzen hasiko dira.

Lurrikara bat dirudi, bretoien karga geldiezina. Baina bestigorrak eta minotauroak, posizioei eutsiko diete eta buruz buruko anabasa suertatuko da. Nekazariak eta ungorrak zerua geziz estaliko dute eta zaurituen lehenengo negarrak entzungo dira. Oinezko zaldunak ez dute zailtasunik izango eskubialdean kokatutako gorren erasoa geldiarazteko eta honela, frontea egonkortu egingo da. Bretoien karga geldiezina, neutralizatu da.

Zenbakien balore ezberdinak
                  Erroiaren hilabetea, 18.eguna

Nahiz eta, hasiera batean, borroka berdintsua dirudien, zauri baten heriotza ordezkaezina den bitartean, eroritako bestigor bati atzean beste bat itxoiten ari zaio bere lekua hartzeko. Zaldunen ezkutuak hautsi egingo dira, ezpatak akastu eta soldaduen lerroa geroz eta meheagoa izango da. Gizapiztiek adorearekin oldartzen dira eta beraien lerro amaitezinen atzean, Astaröthek honen arrazoia atzemango du.

Builaka, aginduak emanez, Adar Kiribualden xamana eta liderra aurkitzen da. Baso honetan ezaguna den izaki beldurgarria.

Malagor

Nicolairen arkua tenkatu eta elfoak bere punteria proban jarriko du. Gezi magikoak hirutan banatuko dira haizea zeharkatzen duten bitartean eta indar ikaragarri batekin xamana lurrera botako du. Oraindik ez dira ohartuko, baino heriotza hura ehun gizapiztien balorea izan du. Hala ere, oraingoz, borroka okerrera dijoa. Munstroen kolpeak Saint-Monteko Bors eta Petit-Chateauko Benoît Dupontekin amaituko dute eta zaldunen hutsuneak ezkuteroak betetzen hasiko dira.

Haragi berria pikatzailearentzat
      Erroiaren hilabetea, 18.eguna

Guda darrai eta etorkizuna iluntzen hastean, basoko zuhaitzen artetik argi izpi bat itzurian sartuko da. Emandako hitza errespetatuz, Maarako herri zaharra bere aliatu berriak laguntzera etorri dira. Al-Dîrwak, Maarako jauna, Leonthir eta Selinonde aztiarekin batera basoko gerlari eta zaindariak etorri dira.



Elfoen lantzak eta geziak ez dute hutsik egiten eta  ezin konta ahal dira doitasun hilkorrarekin akabatutako izakiak. Baino berri onak ez dute asko iraungo eta beraien indarrak ahultzen ari direnean elfoen atzetik etoriko dira tribuaren beste gerlari guztiak.  Ehundaka dira eta orduz borrokan egon diren bretoientzat amaitezinak dirudite. Felix liskarretatik hurbil dabiltza, zaurituak sendatuz. Thorin, Carlos eta Trubert ahotsik gabe daude aginduak builaka emateagatik eta besteak, urduri, Damaren inguruan dabiltza.

Anabasaren Patua
    Erroiaren hilabetea, 18.eguna

Zaldun erdiak lurrean daude, hilda edo hilzorian. Ezkuteroak eta basoko gerlariak lehenengo lerrora sartu dira eta badirudi, denboraren poderioz, bataila galdua dutela. Konpainia Askearen apustua arriskutsuegia izan da oraingo honetan. Baino ez zuten Anabasa, edo Eragabetasun edo Jainko Ilunen esku hartzea kontuan hartu.

Niniveko basoan hirugarren talde bat bizi da. Gizapizti edo elfoak errespetatzen ez dituena. Aldare batean bere jainkoak gurtzen dituena eta guda besterik ez duena ezagutzen. Aspaldi gizakiak ziren baino beraien nagusi berriak beste zerbaitetan bihurtu dituzte: Kaos gerlariak dira eta haiekin batera zuhaitzen itzalpean ezkutatzen diren mutanteak etorri dira.


Borrokan zurrumbilo baten modura sartuko dira, gizapizti, gizaki eta elfoak batera erasotzen. Ez dago basoan etsai hauen borroka gaitasunak parekatzen dituen inor eta pixkanaka frontea estutzen joango dira. Batailaren emaitza ezbaian dago.



2017(e)ko azaroakren 13(a), astelehena

Loth Bailarako Kanpaina (XXII) For whom the bells tolls (I)

"Inor ez da isla bat, osoa berekiko;
Gizon bakoitza kontinentearen puxkat bat da,
lurraren zati bat, Europa osoa gutxitzean
muino bat izango balitz bezala, edo zure
lagunaren etxea, edo zurea; Edozein gizon 
hiltzean gutxitzen naiz, gizadiari lotuta
bainago: horrenbestez, ez galdetu inoiz
zeinengatik jotzen duten hil-kanpaiak,
zuregatik jotzen ari dira"
                                                                                                               John Donne

Aizkorak Zorrozten
      Erroiaren hilabetea, 18.eguna

Damaren ametsa elektrizitate moduan Epigonoen Lurreko bretoiar zaldun eta sasizaldunen burmuinetatik igaro zen. Haien herrialdea ikusi ez zuten bretoiarrak, identitatea galtzear zuen herri oso bat, bapatean, gautik goizera helburu berberarekin jaiki ziren.  Lurralde urrun hauetan ere, bihotzetik gertu dute orain aiton-amonek gurtzen zuten jainkosa. Eta ez hori bakarrik, ama maitakor baten modura, guztiak zaintzeko prest zegoen. Baina bere ondasun preziatuena arriskuan aurkitzen da; mendebaldeko basoan, ehundaka munstro eta izaki beldurgarriek griala lapurtzear daude. Ametsa hasi aurretik desagertzen ari da.

Bretoiar guztien amak laguntza eskatzen ari da, eta erantzuna jaso ere. Petit-Chateauko zaldun eta nekazariek armak zorrozten hasi dira. Zaldun asanblea gidatzen duen Saint-Monteko herriak dozenaka aitoren-seme eta morroi bidali ditu eta Artoiseko Dukearen aginduei kasu egin barik kapare eta ezkuteroak harresiko ateak zeharkatu eta armada berri honen buruzagia ezagutzera abiatu dira.


Uregnia Rodicisinam, zaldunez osatutakoo familia ospetsu baten azkeneko kidea. Bere inguruan ehundaka gizon elkartu dira eta basoan bizi diren elfoek ere laguntza eskaini diote. Dama bere ondoan izango du. Guda honen sinbolismoa ezin ukaturik bere burua santutasunetik urruti bidaitzen ari da. Bataila honetan, garaipena, sari hurbilagoak ekarriko baititu. Griala lortzeko gai bada, hiru herri bretoiarrak burua makurtu beharko dute. Damaren bedeinkapenarekin, errege, rex, roi izatea lortuko luke.

Uregnia, dudetan





Eta Konpainia Askea? Denbora honetan, mertzenario talde honek anbiguetatean mugitu da. Misterioa eta itzalek estaltzen dute. Bere atzean, sarraskiak, bortxaketak eta lapurketak utzi dituzte, baino aldi berean, eskualde honengatik egin duten guztia paregabea izan da. Beraien presentziak beldurra eta urduritasuna sortarazten du. Ekaitza dira, Sumendia. Baino Konpainiak baditu asmo ezkutuak. Iraganeko ekintzek etsai asko sortarazi dizkiete eta orain, leialtasunez jokatzeak kolpez, onura handiak ekarri ditzake. Hasteko, bidaietako baso lasai eta baketsua, asraien laguntasunarekin. Gainera, Uregniak garaipena lortuz gero, hiru herrien batasuna gertatuko litzake ziurrenik, eta erresuma berri honen erregearen lagunak izatea...ate asko irekiko lizkieke.

Asraiek plan bat dute
      Erroiaren hilabetea, 18.eguna

 Vanya, edo "Lakuko Dama"

Batailan aurretik, Uregniak bere aliatu guztiekin eztabaidatu nahiko du. Hor egongo dira bere haurtzaroko lagunak, Jean-Michel eta Benoît Dupont zaldunak. Saint-Montetik, hiru buruzagi, Tristair, Galhad eta Bors. Artoisetik oinezko zaldun beteranoak, eta amaitzeko, Ninive basotik Dama eta bi elfo. Konpainia Askea ere han egongo da, baino hasieratikan elfoak izango dira ahots bakarra.

Elfoen  ahots melodikoek egongela osoa beteko dute eta bretoien hizkuntza erabiliz, azaldu egingo dira. Leonthir, Maarako gerlari ospetsuenak, segada bat prestatu du gizapiztien indarrak banatzeko. Basoaren barrena eramango dituzte eta orduan, bretoiarrak tribuaren gotorlekua erasotu beharko dute.

Asrai gerlariak, urrundu dituzten gizapiztiak baino lehenago bueltatzen saiatuko dira, borrokan laguntzeko. Uregniak hitza eskatuko du orduan. Elfoen planarekin ados egon arren gauza batzuk argi utzi nahi ditu. Zaldunak erasoaren punta izan behar dira, nekazariak atzean geldituz, eta Dama ezin izango du beraiekin batera egon, arriskutsuegia iruditzen baizaio.

Horregatik, Konpainia Askea bizkarzain modura edukiko ditu momentu oro, jainkosa babestu dezaten. Bretoiak plana onartuko dute, Carlos Pitico, Thorin eta Trubert ez bezala. Hirukotea liderrak dira, soldaduak gidatzen esperientzia dutenak. Pitico Artoiseko oinezko zaldunekin egongo da, Trubert, Saint-Monteko ezkuteroekin eta Thorin nekazari eta morroiekin. Honela bukatuko da bilera eta zerbait gosaldu ondoren martxan jarriko da armada. Denera, zaldun,ezkutero, morroi eta mertzenarioen artean, ehun eta berrogeita hamar gizon dira.

Garaipena edo Basakeria
      Erroiaren hilabetea, 18.eguna

Goiz osoa basoa zeharkatzen ibili ostean, azkenik, Adar Kiribilduaren tribuko batzar lekura iritsiko dira. Bertan, beraien jainko ilunentzat eraikitako aldarearekin topo egingo dute. Harri izugarri handi bat, odol lehorrez eta kaskezurrez apaindua. Bere inguruan munduko gizapizti mota guztiak. Itxoiten.

Bataila honetan Lurralde Lehiatuen patua jokoan dago. Zibilizazioa edo Anabasa





2017(e)ko urriakren 29(a), igandea

Loth Bailarako Kanpaina (XXI) Dama


  • Snorri, Iparraldeko mendietatik etorritako nano diletantea.
  • NicolaiKisleveko gaiztagin bitarikoa
  • GrisbanSnorrirekin batera iritsi dan nano hiltzaile eta hartz duna
  • Carlos Pitico, Estaliako aitoren semea, handizalea, berekoia eta esgrima maisua
  • Felix McGregorbizitza hobego bat bilatzen ari den kontrabandista inperiala


Erroiaren Hilabetea,  15.eguna

Ogham harriaren runak kopiatu ostean, Felixen gurdian sartu eta bizirik atera ziren mertzenarioekin batera Artoisera bueltatuko da Konpainia. Herriko harresiak pasa eta lau soldaduak agurtu ondoren gehienak ostatura abiatu ziren txanpon batzuk galtzera, Felix ez bezala. Sigmarren jarraitzaile sutsua izan leike orain, baino, horrek ez du esan nahi bere ogibidea ahaztuta duenik. Jakinda Ninivera bueltatzekoak zirela, basoan faltan ikusi zuen zerbait erosi zuen han negozioa egiteko; burdina. Burdin asko, 200 kilo burdin. Gurdia topera kargatu eta oheratu ziren denak.

Erroiaren Hilabetea,  16.eguna

Hurrengo eguna, tamalez, nahiko iluna izango da Konpainia Askearentzat. Gurdiarekin Ninive basoruntz aterako dira eta eguerdirarte dena ondo joango da. Baina momentu batean, bidea desagertu eta galdu egingo dira. Noraezean dabiltzala behe-laino lodi batek inguruak estaliko ditu eta konturatuko diren moduan, ez du ezer onik ekarriko. Gurdiak segada bortitz bat jasango du, orain arte ikusi ez dituzten izaki boteretsu batzuengatik. Begi bakar eta buztan luzea, zakatz mehe eta beso luzeko arraza misteriotsua, Fimi bezala ezagutzen direnak.


Felix ihes egiten saiatuko da, gurdiko gurpilen marrazak erabiliz etsaiak trenkatzeko asmoz. Baina erasoan, munstroak tiraka dauden bi zaldu akabatuko dituzte eta gainera, gurdian bertan ematen ari den buruz burukoan, Nicolaiek azkorakada zital bat pairatzean, konortea galdu eta zorura eroriko da martxan. Egoera ikusita, Konpainiak amore emango du. Fimirren ahots sugertiarrak Felixen burdina, taldearen janaria, Piticoren dirua eta Grisbanen aizkora eskatuko dute bakean uzteagatik. Grisban ziurrenik, aizkora lapurtzen uzten den lehenengo nano hiltzailea izango da.

Ekonomiaren garro lizunak

Baino eguna hasiberri zegoen eta sorpresa gehiago zituen nonbait gordeta. Petit Chateautik gertu, errenka bidaiatzen ari zirela, esklabisten gurdi batekin topo egin zuten. Sei bretoniar zituzten gatibu modura eta ikusita borroka ez zela irtenbide xamurra Felixek beste zerbait egitea erabaki zuen; Esklabu guztiak erostea. Bretoiarrak haien herrira bueltatzean gure protagonistak heroiak bezala aurkeztuko dituzte eta honek Petit Chateauren buruzagia ezagutzea ahalbideratu zien. Uregna Rodicisinam, Noztog Rodicisinam (Inperioko bretoiar ezaguna)-en semea. Aitaren hilobia erakutsi zien eta afal ondoren fabore bat eskatu zien.

Uregna Rodicisinam

Erroiaren Hilabetea,  17.eguna

Uregnak kontatuko die nola bere goizeko txango batean, basotik gertu zebilela Dama bera gerturatu zitzaiola. Ez zuten hitzik elkartrukatu baino harrezkero umeak desagertzen hasi ziren Petit Chateaun. Lakuko Damaren izateaz dudarik ez zitzaion gelditu, baino orokorrean, bere herrian, ez zion inorrek sinisten. Damaren existentzi frogatzeko (eta bere oniritzia lor dezan hiru bretoiar herien errege bilakatzeko) agerpen bat behar zuen bere zaldunak sinistu dezaten behintzat. Jakinda Konpainia basora zijoala Damaren inguruko pistak topatzea eskatu zien eta opari bezala bere alaba, Helena, eskaini beharko diote (Kondairek diote, Damak bretoiarren alabak baitu eta damatxotan bilakatzen dituetala, aztien tankerakoak).

Bretoiarren ametsa

Gure protagonistek baiezkoa emango diote, hainbat arrazoiengatik. Damaren agerpena bretoiar zaldun guztiak erakarriko lituzke eta ziurrenik Griala bilatzen hasiko ziren. Uregnak arrakasta izango balu legitimizazioa lortuko luke bretoiar guztien errege bilakatzeko eta honek aliatu oso boteretsu baten bihurtuko luke. Bitartean, haren lagunak boteretsu bilakatzen ere. Uregnaren hitzak hauek izan ziren:

Gaur nire ondoan mantentzen dana etzi eta betirako nire eskerrak izango ditu

Honela, Konpainia Helena hartu eta Maarako lakura zuzendu ziren. Bazekiten hantxe ezkutatzen zala Dama edo bere aktoresa behintzat. Arazorik gabe iritsi eta umea han utzita Vanya ezagutu zuten. Vanya elfa azti paregabe bat da eta trikimailu magikoez baliatzen da Damaren papera jolasteko. Bera izango da azalduko diena Maarako elfoen planak. Uregna eta bere zaldunak etorri behar dira Ninivera, bera haien aurrean azaltzeko eta denak sinistu dezaten. Honek zurrumurrua zabalduko luke eta Vanyak bailarako zaldun guztien ametsen bitartez nahi zituen begitazioak sugestatuko lituzke hauen burutan. Grialaren bilaketa segituan hasiko zen eta Damaren hitzak jarraituz denak Ninivera abiatuko ziren, elfoen etsaien aurka borrokatu dezaten. Saria griala izango zen noski. Honela, elfoek behingoz, baso osoa berreskuratuko lukete.

Taldeak elfoen pragmatismoa ulertu eta onartu zuten. Atsalderako hiru zaldun gidatu zituzten baso trinko hontatik. Uregna bera, Jean-Michel eta Benoît Dupont. Badazpada, edarien bitartez drogatu zituzten (Vanyaren magiaren maila dudan jartzen zuten eta), baino elfaren boterea nahiko zela ohartu ziren. Hirurak herrira bueltatu ziren, fedeak ematen zuen fanatismoarekin. Griala aurkitu behar zan, eta horretarako erlikia ezkuatzen zuten izakiekin amaitu behar zan. Amets berdina izan zuten gau horretan bailarako zaldun guztiek. Aurki, bailaran aspaldian ikusi ez den bataila ematear zegoen.




2017(e)ko urriakren 17(a), asteartea

Loth Bailarako Kanpaina (XX) Arrisku gorian

·Snorri, Iparraldeko mendietatik etorritako nano diletantea.
·Tag-Raz, Lurralde Lehiatuko ogro mertzenario harrigarrirki azkarra.
·Nicolai, Kisleveko gaiztagin bitarikoa
·Grisban, Snorrirekin batera iritsi dan nano milizianoa eta hartz bat duena
·Ygrit, Erreka-guardia gixa dabilen neskatxa ilegorri bretoniarra.


Erroiaren Hilabetea, 14.eguna

Azken Atsedenan bilduta, Konpainia Askeak arratsaldeko zauriak sendatzen dabiltza. Sutondoan, sugarraren mugimendua harretaz jarraituz, orain dela gutxi buruz buru borrokatutako izaki horiek gogoratuz. Etengabe erretzen ari ziren zuhaitz horietara bueltatzea suicidio bat zirudien momento haietan. Ezin izan zuten ezerrez egin, eta sugarraren laztanak dastatzean ihes egitea izan zuten irtenbide bakartzat.

Gauean, dena erabakitzeke zegoela, taldeko malapartatuenak jokoan diru kopuru polit bat irabazi ostean, Tag-Raz-en burmuina lanean jarri zen. Konpainia Askearen pertsonala une horietan ez zan nahikoa honelako lan bat egiteko. Laguntza behar zuten, bai Ogham-aren runak kopiatzeko eta baita ere munstro horiekin akabatzeko. Denbora galdu barik iragarki bat egitea agindu zuen, eta etorriberriak ziztu bizian lagundu zioten. Konpainia Askeak mertzenario bila zegoen eta noski, gure heroein ospea eta izenarekin ez zuten arazorik edukiko.

Alokatutako mertzenarioak...Expendables 


Erroiaren Hilabetea, 15.eguna

Hurrengo goizean 14 gizon aurkeztu ziren. Ordainsaria ona zen eta gure protagonisten anbiguetatea egin beharreko lana azaltzean nahikoa izan zen. Hamalau gizon hauetatik bik, gerlari profesionalak ziren eta heroiekin batera liskarraren pisu handiena eramateko misioa zuten.

Eguerdin zuhaitz berezi horiek egiten zuten zirkulura sartu ziren eta segituan, kontratatutako lau jarraitzaile, Oghameko runak kopiatzen hasi ziren. Bitartean, beraien inguruan inpernua hasi zen. Elementalen zartada bakoitzarekin haragia erretzen zen, arropa sua hartzen zuen eta oihuak zerua zeharkatzen zuten.

Azkenik, Snorri, Nicolai, Ygrit eta Grisban lurrean zeudela ihes egin hala ez eztabaidatzen hasi ziren. Zutik, Tag-Raz izukaitz oldarkor erasotzen zuen. Ihes? Inondik inora. Bere alboan, pertsonaiek Titan bezala ezagutzen zuten mertzenarioa ere tinko mantentzen zen. Biek, azkeneko lau kopiatzaileak babesten zituzten. Lana amaitzear zegoen eta mertzenarioa suzko bola batean bilakatu ondoren Konpainiaren ogroa bakarrik gelditu zen harresi bizidun bat bezala. Kolpeak leku guztietatik etortzen ziren, beroa jasanezina zen eta hala ere, kopiatzaileak behar zuten denbora eman zien. Behin lana bukaturik Tag-Raz, sua zeharkatuz, izugarrizko garaipen bat lortu zuen.

Tag-Raz

2017(e)ko irailakren 28(a), osteguna

Sailkapen Eguneratua (II)

Pertsonaien Sailkapena



Izena
Esperientzia
Ospea
Izena
Ustelkeria
Eromena
Patua
Belaunaldia
Felix McGregor
920
13
6
3
2
2
Trubert Mahler
1920
16
7
-
6
1
Thoryen
1325
23
7
4
7
2
Iglit
240
-
-
-
-
2
Carlos Pitico
1650
23
7
8
8
2
Snorri
640
3
-2
-
1
2
Tag-Raz
1090
9
-1
-
6
2
Thorin
1430
13
5
-
7
2
Grisban
495
3
-2
-
-
1
Nicolai Jelavic
1325
23
9
13
13
0
Astaröth
2215
23
7
2
17
1

 
 
Bizirik
5 Gizaki
2 Elfo
1 Ogro
3 Nano
 
Hilerrian
3 Gizaki (Pieter, Oleg eta Volkrad) 37%
2 Halfling (Pil-pil eta Merovech) 100%
1 Elfo (Urdithaine) 33%
1 Ogro (Gezrutag) 50%
1 Nano (Grizdal) 25%