Loth Bailarako Kanpaina (XXXVIII) Heriotz Txuria

Igarobidea, Loth Bailara (2550eko Negua)

Giun, nano gerlaria

Sabino Dante, ordainsari bilatzailea

Dwalin, lurrazpiko esploratzaile nanoa
Tag-Raz, ogro gladiadore soziala
Henna Taedana, belagilea

Edmund Kleitz, Azti Zerutiarra

Vargas, profezia baten giltza galdu bat, Ilargiaren jarraitzaile ero batzuk, Azti megalomanoak eta denok itxi edo ireki nahi duten nanoek egindako ate zahar bat. Zurrunbilo horren erdian gure protagonistak, Aguilerako Edmund Kleitzen argibideak jarraituz. 

Kilread Caerdor aztiaren taldea giltza bilatzen dabiltza eta edozer gauza egiteko gai direla frogatu dute jakintsu baten burmuina bahitzean erritual bat gauzatzeko. Badakite baita, hirugarren talde bat dagoela artefaktu berbera bereganatzeko asmoarekin. Gure abenturazaleak tentatuta daude gauzak bere baitan uztea eta ur baretuago batzuetara alde egiteko baino Felixen hitzak gogoratzen dituzte, "Pertsona garrantzitsuak dira, eta beraien konfiantza irabazi beharko duzue gauzak aldatu daitekzen". Edmund Kleitz Aguilerako kontzejuaren kide da eta Taedannak bere pragmatismoa erakutsiko du azti zaharraren laguntasuna lortuz. Konjuratzaileak aitortuko die hiriko nanoek ate eta giltza honen inguruko informazioa beraientzat gordeta dutela baino oroitzen da Donovan abenturazalearen taldeak zerbait atzeman zuela Shallyako Santutegian, biziraun zutenen banaketaren aurretik.

Hari hau jarraituz, ikasiko dute Durak nanoaren existentziaz. Donovaren heriotzarekin orain dela 10 urte, sekretuaren azkeneko zaintzailea da. Iparraldeko mendietan bizi izan da abenturak utzi zituenetik. Espediziorako Edmundek dirua ipiniko du, baita mando bana bakoitzarentzat. Gure heroiak azkar ibiliko dira dirua gauza erabilgarrietan xahutzeko eta hurrengo egunerako Glenn, Ordenaren akolito esploratzailea eta Limo izeneko nerabe bat taldea handituko dute.

Bidaia infernu bat izango da. Abenturazaleak ez dute mendiko edo neguko arroparik izango, ezta lo zakurik ere. Elurra etengabe jausten, hotza hezurretaraino. Pixkanaka, taldearen alaitasuna desesperazioan bihurtuko da eta Sabino bera, bueltatzea aholkatuko du. Baino diziplina handia erakutsiz, hotza, mendia eta Giltzaren Bandako orko batzuen erasoa gaindituko dute helmugara iritsi arte.

Durak Hiltzailea

Uste zuten bezala, Durak burutik jota dago. Urte askoz bakarrik bizi izan da kobazulo galdu hauetan  eta berezitasun asko ditu. Baino memoria ondo du eta giltzaren istorioa entzutean buruargitasun handiz ohartaraziko die. Giltza, nano errementari ospetsu baten obra izan zen. Aspaldiko garaietan, errementari honek handinahikeriarengatik erotuta behar ez zuen gauzekin osatu zituen arma eta artefaktu arriskutsuak. Usteldura nanoen erresuma irensten hastean, beranduegi zan. Mehatxua isolatzeko ate berezi bat sortu zen eta gure protagonistak (eta Giltzaren Banda) bilatzen ari diren giltza ate hau irekiko luke. Bere arbasoek Igarobidean ezkutatzen den Ilargi Forjan gorde zuten giltza eta han gelditu beharko luke. Non egon daiteke hor baino babestuago?

Tamalez, hiru dira giltzaren atzetik dauden taldeak eta Durakek azalpenak eman bitartean munstro itxurako izaki nazkagarri batzuk iritsiko dira inguruetara. Gizakien modura hitz egiten dute eta beste guztien nazkarekin batera, Tag-Raz ogroa aspaldian ikusitako aberrazioetaz oroituko da. Giltzaren kokalekua jakin nahi dute baino Durak ezpainak itxi eta aizkorarekin hasiko da hitz egiten. Sarraskia erabatekoa izango da eta zurrunbiloak Limoren gorpua utziko du guda zelaian.

Loth Bailarako Kanpaina (XXXVII) Where is my mind? + Etiketak

Igarobidea, Loth Bailara (2550eko Negua)

6.egunetik 7.era

Giun, nano gerlaria

Sabino Dante, ordainsari bilatzailea

Dwalin, lurrazpiko esploratzaile nanoa

Eguneratze honetan Konpainia Askearen abenturak kontatzeaz gain, martxan jarri dudan mekanismo berria aurkeztuko dizuet: Etiketak. Rol joku indien artean urte andanaz ezagunak direnak.

Batzutan, zuzendari honek sorpresa itzelak jasotzen ditu eta une batez pentsatu izan du bere jokalariek zer edo zer ikasi egin dutela. Gure mertz...heroiak Transbordadorean zeuden kuriositatea piztu zien erakustaldi batengatik. Hiru alderdi ezberdin zeuden erakuskueta honen pieza edo objetua lapurtzeko nahiean eta anabasa odoltsu baten zantzuak nabariak egin zitzaizkien antolatzailearen dorrera iristean. Baino, nik espero nuenaren aurka, hirukotea, tranpatik aldendu eta hiru alderdikideen arteko jipoiak ikustea erabaki zuten palomita irensten zituzten bitartean.

Ith-söl-Arath antikuarioa

Zauri edo kalterik gabe bueltatzekoak ziren norbaitek (Sabino ziurrenik) Aguilerako jakintsu desagertuan pista jarraitzea okurritu zitzaionean. Transbordadorea eta Aguileraren arteko hariztian galdu zen eta bazirudien hor miatuz Giltzaren Bandaren inguruko informazio gehiago lortu zezaketela. Saino, berriz ere, (ez ahaztu Truberten jokalari berdina dela) iniziatiba hartu eta mertzenario pare bat kontratatu zituen.

Jeffrey McGulligan esploratzailea eta Robert Esponja gerlaria taldera batu ziren.Ezagutzen dituzue izenik eta izaerarik gabeko pertsonai ez-jokalari gris horiek? Ba hauek ez ziren mota hortakoak izan.

Celwyn Hariztia

Laburbilduz, boskotea Vargas misteriotsuaren ezkutalekua aurkitu, eta beste dimentsio bateko deabru-iturri baten inbokazio errituala geldiaraztea lortu zuten erabilitako jakintsuaren burmuina lapurtuz. Bitartean, hesola-tranpan erori, hainbat gaizkile, hobgoblin eta ogro bat (azken hau txerri bat izango balitz bezala) akatu zituzten. Vargas "bere buruaz beste" egin zuen eta noski, Jeffrey eta Robert, erakustaldi estelar bat eman ondoren miserableki hil ziren.

--------------------------------------------------------------------------------------------------------------------------

Etiketak

Laburpena amaitu ondoren, mekanismo berri bat aurkeztuko dizuet. Partidan egindakoen ondorioz lortuko dira Etiketak. Aurreko partidan bi eman ziren:

• "Bihotzgabea" -> Giunek lortua, preso desarmagabetu bat odol hotzean hiltzeagatik.
• "Kontratista Arriskutsua" -> Sabino Dante: Kontratatutako mertzenario guztiak hil baitziren. Orain, beste mertzenarioek bi aldiz pentsatuko dute Sabinoren lan bat onartzeko garaian.

Etiketak pertsonaiak laguntzeko edo kaltetzeko erabili daitezke. Adbdz: Sabino mertzenario bat kontratatzeko garaian, jokalariak edo zuzendariak etiketa aktibatu ahalko du, prezioa garestituz edo mertzenario interesatuen kopurua murriztuz.

Etiketaren aktibazioa kaltegarria denean, pertsonaiak zorte puntu bat irabaziko du (partida bukatu arte iraungo duena). Giun "bihotzgabeak" etiketa aktibatzean, bere kikiltze frogan hobari bat lortu dezake. Kasu honetan, zuzendaria izango da zorte puntu bat irabaziko duena, partidaren edozein momentuan erabiltzeko.

Loth Bailarako Kanpaina (XXXVI) Sarrailik gabeko Giltza

Igarobidea, Loth Bailara (2550eko Negua)
3.egunetik 6.era

Henna Taedana, belagilea

Jacques, bide zaindari ertaina

Giun, nano gerlaria

Tag-Raz, ogro gladiadorea

Sabino Dante, ordainsari bilatzailea

Dwalin, lurrazpiko esploratzaile nanoa

Hartzaren ostatuko leihotik elur malutak etengabe ikusten zituen Tag-Razek. Lurralde hauek bere sorterritzat zituen baino jantzi txuri honek beti liluratzen zuen eta une batez gosaria mahai gainean zegoeneik ahaztu ere egin zuen. Bere inguruan jende berri asko, aztoratuta, eskarmentu gehien zuen taldekidea gaueko iluntasunaren laguntzarekin alde egin baitzuen. Konpainiako fundatzaile guztiak hilotz edo desagertuak zeuden, eta Astaröth zerrendako azkenekoa izan da. Giun koldartzat hartu du baino bere ondoan dagoen nanoa ez dago ados. Dwalin badaki ze itxura hartzen ari den etorkizun hurbila eta elfoak beste eginbehar batzuk zituen.

Baino bazirudien azken opari bat eskaini nahi izan ziela desagertu aurretik. Bar gauean elfoak mehatxatutako kartzelako guardia beraiengana bueltatu baitzen. Ikaraz beterik, zaindari potolo honek bere amonak elfoetaz kontatutako ohituak gogoratzen zituen eta bere arima salbatu nahiean ziegako erregistroak aztertzen pasa zuen gau osoa, Konpainia Askearen lapurra atzeman arte. Atxilotua jarraitzen zuen.

Ziegara bueltatuz, gizajua nagusiari leporatu zion lapurreta eta hori gutxi balitz, tipoa aurkitzeko behar zuten informazioa ere eskaini zien. Vargas delakoaren etxea aztertu zuten eta gauez sartzea erabaki zuten lekua zainduta zegoela ikusi ondoren. Bitartean, Aguilerako alkimistarekin tratutan ibili ziren. Mehmet hiriko kontzejuaren parte da, gizon boteretsua horrenbestez. Osagai berezi batzuk behar zituen baino herriko lurperatzaileari eginiko bisita batek dena konpondu zuen.

Giltzaren Banda

Gauez, mendeku bila joan ziren. Zergatik nahi zituen beraien gauzak Vargas hura? Jacques tximiniaren trikimailu zaharraz baliatu zen etxea kez betetzeko eta zaintzaleak neutralizatu zituen. Barruan aurkitutako bide ilun ugari ireki zizkien. Vargas egitura handiago baten kide bat zen, Giltzaren Banda deiturikoa. Badirudi zerbaiten bila dabiltzala eta pistaren bat aurkituko zutelakoan, lapurtu zituzten gure heroein trepetxuak. Baino, etxeko ezkutuko liburutegian topatutako gutunak esku arten zituztela ondorioztatu zuten erantzunak beste nonbaiten aurkituko zituztela erabaki zutela. Vargasek Edmund Kleitz azti zerutiarra zelatatzen ari da, dirudienez, jakintsu baten burmuina behar bait du bilatzen ari den objetu hori aurkitzeko. Gainera, Igarobideko leku bat behin eta berriz aipatzen du, Ilargiko Forja; kondaireetako kokalekua. Gutun eta mapa hauek Vargas "nagusi" deitzen duen Kilread batentzat dira.

Edmund Kleitz eta Mehmet alkimista, kontzejuko kideak

Profezia batek lotutako abenturazaleak

Edmun Kleitz aspalditik bizi izan da Aguileran eta nahiz eta Dieterren laguna izan, iritzi aske bat izan du beti. Bere magialari estatusa eserleku bat izatea ahalbideratu dio eta gure heroiak, informazio hau aitzakki, bere laguntasunaren bila joango dira. Beraien harridurarako, Edmundek Kilread ezagutzen du. Giltzaren Bandako buruzagi malapartatua da, baita azti arriskutsua. Nanoen profezia batek aipatzen duten artefaktu baten bila dabil, giltza berezi bat. Zer ate irekitzen duen inorrek ez daki, ezta non dagoen objetua bera. Bestalde, bere bizitza arriskuan dagoela aipatzean, azalduko die Vargas eta bere morroiek ziurrenik bere baitan dutela behar zuten burmuina, orain dela gutxi hiriko jakintsu bat desagertu baitzen.

Hala ere, Kilread horrek ez luke giltza hori eskuratu behar, zeinek daki zertarako erabiliko lukeen. Honela, Konpainia Askea eta Edmundek indarrak batzea adostuko dute eta bere ezagutzaz baliatuz jakingo dute, aspaldi, Hartzaren Ostatuko Donovan eta desagertutako nano noble bat, Durak izenekoa, profezia ezagutu zutela ere. Donovan orain dela 10 urte erahil zuten, baino badirudi Durak bizirik dagoela, iparraldeko mendientan nonbait.

Ideiak antolatuz

Bapatean gure abenturazaleak profezia ilun eta korapilatsu batean murgilduta ikusi dira. Baino beti izan duten pragmatismoa dizdiran jarriz, oraingoz, distantzia apur bat mantentzea erabakiko dute eta hurrengo egunak Transbordadorean igaroko dute, hiri usteldu horrek eskaini dezaken gauzetaz liluratuz. Bertan, arkeologo eta historialari ospetsu batek antolatu duen erakustaldi batera joateko asmoa dute, Igarobideko hainbat pertsona garrantzitsu bezala. Erakustaldia, iraganeko nanoen objetu galdu bati buruzkoa da (eta batzuk lotura bat ikusi nahi izan dute jakin berri duten profeziarekin).

Pifien Taula

Beste gehigarri edo laguntza batekin natorkizue gaur.

Hainbeste maitatu izan dugun pifien zerrenda, zehaztasun guztiekin. Bukatu dira zuzendariaren erabaki salomonikoak.

Hona hemen esteka: Pifien Taula

Beste dokumentuekin batera, blogaren eskuineko zutabean aurkituko duzue, Gehigarrien artean.

Loth Bailarako Kanpaina (XXXV) Itzal Luzeak

Igarobidea, Loth Bailara (2550eko Negua)

Gaskoien artean ezaguna den Justo Mokoroak zioen bezala, ziega horri zain zaharraren usainak jario. Orain dela hamarkada bat Hartzaren Ostatuko mahai inguruan elkartutako abenturazaleetatik soilik Astaröth gelditzen zen. Konpainia Askea amaituta zegoen, hilda, eta era berean berpiztua.

Errebala hiri zibilizatu batean bilakatu da. Aguilera osotausnean hazi eta indartu da kontzeju baten aginpean. Dieterren heriotzarekin zaldunak monastegian isolatu ziren eta beriaen ordez komunitatearen gizon eta emakume boteretsu eta eraginkorrenak erabakitzen dute hiriaren patua. Baina gauza batzuk aldaezinak dira eta gizakiaren krudeltasuna eta berekoikeria dena estaltzen du.

Goiz ohartu da gure abenturazale talde berria. Hasteko, norbaitek hustu dizkie kartzelara sartzean konfiskatutako trepetxu eta tresna oro. Mehatxuak ez dute ezertarako balio eta hasieratan bezala txanpon bakar bat gabe buruz buru ekin behar izan diote Aguilera eta Igarobideari.

Orain arte nire kronika jarraitu duzuenok, aspalditik jakingo duzue desesperazioa ez dela bidelagun aproposena eta iraganeko ankerkeriak laister bueltatu dira. Lan gupidagarrienak onartu eta aberatsen limosnaren truke kale malapartatu hauetan bizirauten saiatzen ari diren txiro eta baztertuak jipoitzea izango da heroi berri hauen ogibidea. Eskuak zikinduz, kontzientzia galduz. Badirudi gauza batzuk ez direla inoiz aldatuko.

Argilao sei hatz

Profetaren Argia

Baino iluntasun honen barnean murgilduta, gure protagonistak argi dizdiratsu bat aurkitu dute. Konpainiako kidea izandako Felix, Suzko Profeta eta Sigmarren Mailua. Bera izan da laguntza eskaini dien bakarra. Ustelduraz beterik aurkitu duten arima bakarra. Baino Felixen bidea malkartsua da, etsai ugari baititu. Bere argia hiriak ezkutatzen dituen zituen itzalak azaldu dizkie eta perspektiba berri batez aurre egin ahalko dute.

Felix, Suzko Profeta

Dantzariaren Agurra

Zoritxarrez, perspektiba berri honek arrastaka ekartzen dituen biolentzia eta oztopoak ez dute bat egiten taldekide guztien helburuekin. Astaröth Igarobideko mendikateak zeharkatu zituen Inperioko basoetan azkeneko aldiz ikusi zuen arrebaren bila. Hamar urte pasa dira eta oraindoz malkoak eta heriotza bakarrik aurkitu ditu. Badaki zer datorren orain eta ziur dago bere adiskideek dantzari honen beso indartsuak beharko dituztela. Oraingo honetan beraien kabuz ibili beharko dira. Bere arrebaren bila doa eta berarekin Konpainia Askearen historia dijoa. Atal berriek, heroi berriak behar dituzte

Campaña (Valhalla) del Valle de Loth (I)

Elune, misteriosa elfa tileana sin habilidad reseñable

Sam, halfling diplomatico venido desde Sartosa

Rodrigo, halconero de Estalia

Javivi, druida iniciado de Taal

Mihail, deshollinador de Kislev

El Paso, Valle de Loth (Invierno del 2550)

La travesía se cobró la vida de la mayoría de la caravana. Las ventiscas, el hambre y los ataques de los esclavistas la diezmaron hasta reducirla a una lastimosa marcha de media docena de fantasmas hambrientos. La desesperación os unió hasta vislumbrar las murallas de la primera ciudad del Paso. 

Aguilera, fundada tiempo atrás por Dieter y su orden de caballería. Refugio de pobres, exiliados y aventureros errantes. Las guerras y las pestes del Viejo Mundo han convertido este viejo enclave en un crisol de culturas.

Aguilera

El grupo, reducido a cinco personas, antes unidos por la desesperación, ahora caminan juntos por necesidad. Necesidad de comer, de descansar y de prosperar. La primera muestra de simpatía vino de la buena voluntad de Mathilde, la dueña de la Posada del Oso. Les cedió camas y comida caliente por un lapso de siete días. Suficiente para ganarse la vida, pensaron.

Pronto conocieron al ilustre alquimista de la villa, el magnifico Mehmet. Les ofreció trabajo recolectando plantas e ingredientes algo más extraños, que con más o menos fortuna lograron encontrar.  Fue en este pequeño trabajo donde conocieron las penurias de las heladas montañas que rodean el Paso, aunque mayores fueron los problemas morales que suscitaron las primeras tintineantes monedas ganadas por el grupo. 

Sin embargo, el poco dinero ganado honradamente no era suficiente y pronto descubrieron la generosidad del gremio de artesanos enano. No dudaron en aceptar el encargo que Godri les encomendó. Viajar al norte, hasta las montañas de las cuales hace no tanto tiempo escapan y encontrar los restos de un embajador enano tiempo atrás asesinado. Allí reposarían ciertos documentos que los orgullosos artesanos buscaban.

Las dudas ante tan extraña misión afloraron únicamente cuando, en medio de las nevadas cumbres, se dieron de bruces con los cadáveres medio devorados de algunos mineros y la insaciable hambre de un lobo enorme que tuvo por bien degollar el pragmático Mihail.

¿Para que querrían los artesanos de Aguilera las cartas selladas de un embajador enano muerto hace siglos?

Arsenal del Viejo Mundo (Revisado)

Actualizo con un nuevo suplemento/recurso casero. En este caso se trata del Arsenal del Viejo Mundo (Revisado) que a pesar de utilizarlo en mesa desde hace bastante tiempo, no lo tenía subido al blog.

El enlace: Arsenal del Viejo Mundo (Revisado)

A partir de ahora lo tendréis disponible en la columna derecha "Gehigarriak"