Iocanthos (II)

Samintasun portura iristean, ontziko langileak karga jaisten hasiko dira eta denbora gutxian hiriko merkatariz beteko dira inguruak. Gure pertsonaiak tripak leku berdinean mantentzen saiatzen ari diren bitartean, zerbait saltzeko duten galdetuko diete. Ezezko batzuen ondoren, saltzaileak aldendu egingo dira, funtzionario itxura duen tipo lodikote bati lekua uzteko. Berarekin, bi guardia agertuko dira,  oxigeno irazkiak eta eskuetan eskopeta bana daramate.

Ongi etorriarekin batera, jakinik taldea inkisizioarentzako lan egiten dutela  galdera mordo bat egiten hasiko dira, baina gure protagistak funtzionario urduritsu honi izkintxoa egingo diote eta hirirantz abiatuko dira.

Integrazio Bertatiarra

Hiria, etxebizitza sailez josia dagoen base militar baten itxura du. Aldi baterako egiturak dirudite, zikinkeriz beteak eta jendez gainezka. Perimetroa harresiz inguratua dago, hegazkinen aurkako defentsekin eta kanpora begirantz dauden arma pisutsuekin. Soldadu ugari ikusten dituzte, denak oxigeno irazkiekin, zibilak ez bezala. Panorama honekin, kaletatara sartuko dira, bere kontaktua aurkitzeko asmoz. Eta sartu ahala, beraien bilatzea bakundu egingo da momento batean. Jendetzaren artean, hegan doan kerubin motako serbitore batekin topatuko dira. 

Serbitore txiki hau, bere kontaktuaren mezularia dela dirudi, eta Aristarchus (kontaktuaren izena) hiriko funtzioarioen eraikinetan itxoiten ari zaiela abixatzen die. Serbitoreari galdetuz, Aristarchus delakoari buruz informazio gehiago jasoko dute. Adibidez, Tyburn Gravesen (beraien inkisidorea) lagun mina dela,edota kerubinaren arabera, botere psikologiko handiak dituen agente garrantzitsu bat bezala ezagutzen dela.

Hau guztia jakinda, zuzenean beregana juteko asmoarekin, Samintasun Portuko kaletatik barrena lortu berri duten gidariari jarraituko diote. Bere lorratza segika hiriko hainbat lekuetatik pasako dira, merkatua edota Zulo bezala ezagutzen den auzoa ezagutuz. Paseo honetan inperialez aparte, beste jende mota baten presentziaz ohartuko dira. Pertsona hauen azal iluna eta aurpegiko tatuajeak salatuko dituzte eta merkatari bati galdetuz, jakingo dute Iocanthoseko bertatiarrak direla. Ashleen bezala ezagutzen direnak.

Hala ere, bi taldeek erakarriko dute bestearen harreta eta konturatu baino lehen, aurrez aurre edukiko dituzte kalezulo estu batean. Ashleenak beldurtuak dirudite eta zaharrenak akolitoak inguratzen dituzten laino beltz batzuei buruz oihukatuko du. Baino gure kalekumeak ez diote elezaharrei garrantzirik ematen  eta armeei zorroa kenduz tiroka hasiko dira. Bratislaba laser erriflea atera gabe, bere gustukoa den beste arma mota bat erabiliko du eta momento bakan batean kalezuloa granadaz beteko da. 

Bratislaba maitasuna eman aurretik

Leherketak, odola, bolbora usaina eta lohadarrak leku guztitatik zabalduko dira. Arbitradoreak azaldu aurretik triskantza bertan utzita funtzionarioen eraikinetara alde egingo dute. Gutxiengoen errespetua kanpainako erabateko ezaugarri bat izango da hemendikan aurrea.

 Aristarchus

 

Eguneko azken izpiekin iritsiko dira Inkisizioaren bulegotara. Bertan, gizon mehar baino xarmagarri batek agurtuko die. Akolitoak heldu aurretik Taroteko karta batzuekin jolasean dabil eta bulegora sartzean gorde egingo ditu larruzko zorro beltz batean. Banan bana esku-estutze batez ongi etorria emango die eta Iocanthosera etortzearen helburua zehaztuko die.

Calixis Sektorean barrena oso ezaguna den Tarotaren karta bat

Badirudi, Iocanthoseko lautada basatietan bizi diren inperial askok, Samintasun Portutik atera zen apaiz bati jarraitzen, erromesaldi arriskutsu batean murgildu zirela, mendi kate baten inguruko muino batean katedral santu bat eraikitzeko asmoz. Honela, Enperadore ahalguztidunaren fedea ashleen eta bestelako paganoetaraino hedatu ahal izateko.

Urteetan zehar eraikitze lanetan ibili dira, leku santuaren inguruan herrixka moduko bat antolatuz eta bidelapur, orko edota ashleen gerlariez defendatuz. Baino azkeneko hilabetetan, katedrala bukatzear dagoenean, hainbat gauza arraro gertzen hasi dira. Paretatik odol isuriak agertu dira, mamu-soinuak entzuten dituzte gauetan eta azkeneko egunetan fededun batzuk erailiak izan dira. Egoera misteriotsu hauek direla eta, Inkisizioak zerbait arraroa dagoela sumatu du eta baliteke gertakizun hauek guztiak kutsu heretiko bat izatea.

Aristarchusek duen informazioarengatik, hemendik egun gutxi barru katedrala Enperadoreari eskeiniko zaio eta zeinek daki zer gertatu daitekeen. Horregatik, lehen bait lehen abiatzeko premia dago.