Loth Bailarako Kanpaina (XXII) - For whom the bells tolls (III)

"LASCIATE OGNI SPERANZA, VOI CH'ENTRATE"

                                            

                                                                      Dante

Niniveko guda zelaia erabateko anabasan murgilduta zegoen. Hiru bandoa sarraskian bete-betean. Kaos gerlariak ez dute parekorik izango eta ezkuteroekin batera, bestigor eta minotauroak ere pairatuko dute haien bortizkeria.

Baino bretoien eta elfoen armada diziplinarekin jarraitzen duten bitartean, gizapiztiak, azkenik, moral gabe geldituko dira. Beraien indar ahaltsuenak lurra odoleztatzen ari dira eta mekanismo bakarra izango balira bezala, denak batera ihesean hasiko dira.

Orain, Kaos gerlariekin soilik borrokatu beharko dute.

Infernuko Ateak

  Erroiaren Hilabetearen 18.eguna

Borroka jarraitzeko prestatzen ari zirela, gure pertsonaiek eta baita, beste gerlari guztiak beroa sumatzen hasiko dira (negua izanik) eta baita erre usaina ere. Kaoseko arerioak ezpatak gorde eta belaunikatu egingo dira. Bretoiak zur eta lur geldituko dira. Jainko Ilunen zerbitzari etorri berria ikustean.

Azazoth, Durhameko Nefarita

Azazoth, erdi gizaki, erdi deabrua eganez iritsiko da. Bere inguruan bizitza guztia usteldu edo hil egingo da, halakoxea baita, Deabru Printze baten natura. Bere presentziarekin bakarrik, eta soldaduei begietara begiratuz bretoien eta elfoen armada erdiak alde egingo du.

Bere gerlariak hanka egitean, Uregniak bere garaipena dudetan ikusiko du. Eta ez du onartuko. Bere armada inspiratu behar du baina karga prestatzen ari dela, Konpainia Askeko apaiza, Felix, erasoarekin hasiko da, Deabrua mehatxatuz. Azazothek ez du asko behar eta segundu batzuetan McGregor hamar bat metrota botako du, hilzorian. Orduan, Uregniak zaldia astindu eta heroi batean bilakatuko duen borrokara abiatuko da. Gauza da, Azazoth ohartu dela bretoi honen garrantziaz eta ez du gupidarik izango. Bretoia bitan zatituko du eta jarraiean Jean-Michel, Uregniaren lagun kuttuna ere akatuko du.

Muturreko Neurriak

Egoera honetan, Selinonde eta Damak (Vanyak) aukera bakarra ikusiko dute. Inguruko magia haizeak bilduz portal txiki bat sortu eta Deabru Printzea bertara bota. Zorte pixkat batekin denbora epe batez eragabetasunaren planoan harrapatuta geldituko da. Honela, aztiak boterea lortzen zuten bitartean besteak denbora irabazi beharko dute.

Thoryen izango da lehenengoa. Bere botereak erabiliz deabrua lokartzen saiatuko da, baino izaki honen indarra bere mailatik oso urruti dago eta porrot egitean deabruak konorterik gabe utziko du kolpe bakar batez. Astaroth, Nicolai, eta Ygrit geziekin estaliko dute baino Pitico izango da bakarra, buruz buru, deabrua geldiaraziko duena. Segundu batzuk behintzat. Nahikoak aztiek deabrua kanporatu ahal izateko.

Azazothen desagerpenarekin, kaos gerlariak guda zelaitik alde egingo dute eta sinistu ala ez, Niniveko bataila amaitutzat emango da. Garaileak? Basoko elfoak dudarik gabe. Bretoiak gizon erdiak galdu dituzte, Jean-Michel eta etorkizuneko erregeaz aparte. Konpainia Askeak apustua galdu du.

Loth Bailarako Kanpaina (XXII) For whom the bells tolls (II)

"Ikusitako izugarrikeriak...zuek ikusitako izugarrikeriak.

Baino ez dezue eskubiderik neri hiltzaile deitzeko.

Ni erailtzeko eskubidea dezue. Eskubidea duzue hori egiteko...

Baino ez epaiketarik egiteko. Ezinezkoa da hitz soilekin

azaltzea zer den laztura, laztura ikusi eta ulertu ez dutenei.

Laztura...lazturak aurpegi bat du...eta lazturaren lagun izan behar zara.

Laztura eta izu morala zure lagunak dira. Ez bailira, orduan,

zure etsaiak izango lirateke."

                                                                                                     Kurtz Koronela - Apocalypse Now

Errealitatearen Hotzikara

              Erroiaren hilabetea, 18.eguna

Goiz hotza, pagoen artean. Hilabete hotza, orokorrean. Aurreko eguneko lokatza izoztuta dago oraindik eta zaldiek ez dute arazorik izan maniobratzeko. Eskubiko aldean Saint-Monteko zaldunak lerrokatu dira, ezkuteroak erreserban utziz. Aurrez aurre gizapiztiek aurkeztu dezaketen arerio diziplinatuena dute, bestigorrak. Izaki hauek bi metro luze neurtzen dute, borroka amaigabeak ahalbideratzen duen gorputza eta adar sendoak. Gerlari profesionalak dira, eta ez dira izutuko. Guda zelaiareen erdigunean Petit Chateau zaldunak kokatu ira, Uregnia eta bere lagunak buru direlarik. Ausar hauen etsaia, minotauro basati eta bortitzak dira. Talka izugarria izango da.

Minotauro

Bestigor

Ezkerraldean Artoiseko oinezko zaldunak ikusi ditzakegu. Zaldirik gabe, alde hau atzean gelditzeko arriskua du eta liskarren linea, ziurrenik, diagonalean amaituko du. Haien aurka gor andana, gizapiztien gerlari arruntak. Bukatzeko, bi armaden atzekaldean, jaurtikariak. Nekazari, morroi eta ungorrak. Sarraski hau distantziatik aztertzen, gizapiztien aldarea eta Dama eta bere eskolta.

Zaldien sudurzuloetatik lurrun tximiniak. Gizonen masailak, izerdi errekak eta hatz-koskorrak txuriak, ezpatak indar guztiarekin eusteagatik. Bataila hau lehenengotzat dutenak zaldun zaharrei begiratzen diete azalpen bat esperoz. Uregniak besoa altxa eta gerlariak gudu-kanta batekin erasotzen hasiko dira.

Lurrikara bat dirudi, bretoien karga geldiezina. Baina bestigorrak eta minotauroak, posizioei eutsiko diete eta buruz buruko anabasa suertatuko da. Nekazariak eta ungorrak zerua geziz estaliko dute eta zaurituen lehenengo negarrak entzungo dira. Oinezko zaldunak ez dute zailtasunik izango eskubialdean kokatutako gorren erasoa geldiarazteko eta honela, frontea egonkortu egingo da. Bretoien karga geldiezina, neutralizatu da.

Zenbakien balore ezberdinak
                  Erroiaren hilabetea, 18.eguna

Nahiz eta, hasiera batean, borroka berdintsua dirudien, zauri baten heriotza ordezkaezina den bitartean, eroritako bestigor bati atzean beste bat itxoiten ari zaio bere lekua hartzeko. Zaldunen ezkutuak hautsi egingo dira, ezpatak akastu eta soldaduen lerroa geroz eta meheagoa izango da. Gizapiztiek adorearekin oldartzen dira eta beraien lerro amaitezinen atzean, Astaröthek honen arrazoia atzemango du.

Builaka, aginduak emanez, Adar Kiribualden xamana eta liderra aurkitzen da. Baso honetan ezaguna den izaki beldurgarria.

Malagor

Nicolairen arkua tenkatu eta elfoak bere punteria proban jarriko du. Gezi magikoak hirutan banatuko dira haizea zeharkatzen duten bitartean eta indar ikaragarri batekin xamana lurrera botako du. Oraindik ez dira ohartuko, baino heriotza hura ehun gizapiztien balorea izan du. Hala ere, oraingoz, borroka okerrera dijoa. Munstroen kolpeak Saint-Monteko Bors eta Petit-Chateauko Benoît Dupontekin amaituko dute eta zaldunen hutsuneak ezkuteroak betetzen hasiko dira.

Haragi berria pikatzailearentzat

      Erroiaren hilabetea, 18.eguna

Guda darrai eta etorkizuna iluntzen hastean, basoko zuhaitzen artetik argi izpi bat itzurian sartuko da. Emandako hitza errespetatuz, Maarako herri zaharra bere aliatu berriak laguntzera etorri dira. Al-Dîrwak, Maarako jauna, Leonthir eta Selinonde aztiarekin batera basoko gerlari eta zaindariak etorri dira.

Elfoen lantzak eta geziak ez dute hutsik egiten eta  ezin konta ahal dira doitasun hilkorrarekin akabatutako izakiak. Baino berri onak ez dute asko iraungo eta beraien indarrak ahultzen ari direnean elfoen atzetik etoriko dira tribuaren beste gerlari guztiak.  Ehundaka dira eta orduz borrokan egon diren bretoientzat amaitezinak dirudite. Felix liskarretatik hurbil dabiltza, zaurituak sendatuz. Thorin, Carlos eta Trubert ahotsik gabe daude aginduak builaka emateagatik eta besteak, urduri, Damaren inguruan dabiltza.

Anabasaren Patua
    Erroiaren hilabetea, 18.eguna

Zaldun erdiak lurrean daude, hilda edo hilzorian. Ezkuteroak eta basoko gerlariak lehenengo lerrora sartu dira eta badirudi, denboraren poderioz, bataila galdua dutela. Konpainia Askearen apustua arriskutsuegia izan da oraingo honetan. Baino ez zuten Anabasa, edo Eragabetasun edo Jainko Ilunen esku hartzea kontuan hartu.

Niniveko basoan hirugarren talde bat bizi da. Gizapizti edo elfoak errespetatzen ez dituena. Aldare batean bere jainkoak gurtzen dituena eta guda besterik ez duena ezagutzen. Aspaldi gizakiak ziren baino beraien nagusi berriak beste zerbaitetan bihurtu dituzte: Kaos gerlariak dira eta haiekin batera zuhaitzen itzalpean ezkutatzen diren mutanteak etorri dira.

Borrokan zurrumbilo baten modura sartuko dira, gizapizti, gizaki eta elfoak batera erasotzen. Ez dago basoan etsai hauen borroka gaitasunak parekatzen dituen inor eta pixkanaka frontea estutzen joango dira. Batailaren emaitza ezbaian dago.

Loth Bailarako Kanpaina (XXII) For whom the bells tolls (I)

"Inor ez da isla bat, osoa berekiko;

Gizon bakoitza kontinentearen puxkat bat da,

lurraren zati bat, Europa osoa gutxitzean

muino bat izango balitz bezala, edo zure

lagunaren etxea, edo zurea; Edozein gizon 

hiltzean gutxitzen naiz, gizadiari lotuta

bainago: horrenbestez, ez galdetu inoiz

zeinengatik jotzen duten hil-kanpaiak,

zuregatik jotzen ari dira"

                                                                                                               John Donne

Aizkorak Zorrozten

      Erroiaren hilabetea, 18.eguna

Damaren ametsa elektrizitate moduan Epigonoen Lurreko bretoiar zaldun eta sasizaldunen burmuinetatik igaro zen. Haien herrialdea ikusi ez zuten bretoiarrak, identitatea galtzear zuen herri oso bat, bapatean, gautik goizera helburu berberarekin jaiki ziren.  Lurralde urrun hauetan ere, bihotzetik gertu dute orain aiton-amonek gurtzen zuten jainkosa. Eta ez hori bakarrik, ama maitakor baten modura, guztiak zaintzeko prest zegoen. Baina bere ondasun preziatuena arriskuan aurkitzen da; mendebaldeko basoan, ehundaka munstro eta izaki beldurgarriek griala lapurtzear daude. Ametsa hasi aurretik desagertzen ari da.

Bretoiar guztien amak laguntza eskatzen ari da, eta erantzuna jaso ere. Petit-Chateauko zaldun eta nekazariek armak zorrozten hasi dira. Zaldun asanblea gidatzen duen Saint-Monteko herriak dozenaka aitoren-seme eta morroi bidali ditu eta Artoiseko Dukearen aginduei kasu egin barik kapare eta ezkuteroak harresiko ateak zeharkatu eta armada berri honen buruzagia ezagutzera abiatu dira.

Uregnia Rodicisinam, zaldunez osatutakoo familia ospetsu baten azkeneko kidea. Bere inguruan ehundaka gizon elkartu dira eta basoan bizi diren elfoek ere laguntza eskaini diote. Dama bere ondoan izango du. Guda honen sinbolismoa ezin ukaturik bere burua santutasunetik urruti bidaitzen ari da. Bataila honetan, garaipena, sari hurbilagoak ekarriko baititu. Griala lortzeko gai bada, hiru herri bretoiarrak burua makurtu beharko dute. Damaren bedeinkapenarekin, errege, rex, roi izatea lortuko luke.

Uregnia, dudetan

Eta Konpainia Askea? Denbora honetan, mertzenario talde honek anbiguetatean mugitu da. Misterioa eta itzalek estaltzen dute. Bere atzean, sarraskiak, bortxaketak eta lapurketak utzi dituzte, baino aldi berean, eskualde honengatik egin duten guztia paregabea izan da. Beraien presentziak beldurra eta urduritasuna sortarazten du. Ekaitza dira, Sumendia. Baino Konpainiak baditu asmo ezkutuak. Iraganeko ekintzek etsai asko sortarazi dizkiete eta orain, leialtasunez jokatzeak kolpez, onura handiak ekarri ditzake. Hasteko, bidaietako baso lasai eta baketsua, asraien laguntasunarekin. Gainera, Uregniak garaipena lortuz gero, hiru herrien batasuna gertatuko litzake ziurrenik, eta erresuma berri honen erregearen lagunak izatea...ate asko irekiko lizkieke.

Asraiek plan bat dute

      Erroiaren hilabetea, 18.eguna

 Vanya, edo "Lakuko Dama"

Batailan aurretik, Uregniak bere aliatu guztiekin eztabaidatu nahiko du. Hor egongo dira bere haurtzaroko lagunak, Jean-Michel eta Benoît Dupont zaldunak. Saint-Montetik, hiru buruzagi, Tristair, Galhad eta Bors. Artoisetik oinezko zaldun beteranoak, eta amaitzeko, Ninive basotik Dama eta bi elfo. Konpainia Askea ere han egongo da, baino hasieratikan elfoak izango dira ahots bakarra.

Elfoen  ahots melodikoek egongela osoa beteko dute eta bretoien hizkuntza erabiliz, azaldu egingo dira. Leonthir, Maarako gerlari ospetsuenak, segada bat prestatu du gizapiztien indarrak banatzeko. Basoaren barrena eramango dituzte eta orduan, bretoiarrak tribuaren gotorlekua erasotu beharko dute.

Asrai gerlariak, urrundu dituzten gizapiztiak baino lehenago bueltatzen saiatuko dira, borrokan laguntzeko. Uregniak hitza eskatuko du orduan. Elfoen planarekin ados egon arren gauza batzuk argi utzi nahi ditu. Zaldunak erasoaren punta izan behar dira, nekazariak atzean geldituz, eta Dama ezin izango du beraiekin batera egon, arriskutsuegia iruditzen baizaio.

Horregatik, Konpainia Askea bizkarzain modura edukiko ditu momentu oro, jainkosa babestu dezaten. Bretoiak plana onartuko dute, Carlos Pitico, Thorin eta Trubert ez bezala. Hirukotea liderrak dira, soldaduak gidatzen esperientzia dutenak. Pitico Artoiseko oinezko zaldunekin egongo da, Trubert, Saint-Monteko ezkuteroekin eta Thorin nekazari eta morroiekin. Honela bukatuko da bilera eta zerbait gosaldu ondoren martxan jarriko da armada. Denera, zaldun,ezkutero, morroi eta mertzenarioen artean, ehun eta berrogeita hamar gizon dira.

Garaipena edo Basakeria

      Erroiaren hilabetea, 18.eguna

Goiz osoa basoa zeharkatzen ibili ostean, azkenik, Adar Kiribilduaren tribuko batzar lekura iritsiko dira. Bertan, beraien jainko ilunentzat eraikitako aldarearekin topo egingo dute. Harri izugarri handi bat, odol lehorrez eta kaskezurrez apaindua. Bere inguruan munduko gizapizti mota guztiak. Itxoiten.

Bataila honetan Lurralde Lehiatuen patua jokoan dago. Zibilizazioa edo Anabasa

Loth Bailarako Kanpaina (XXI) Dama

• Snorri, Iparraldeko mendietatik etorritako nano diletantea.
• Nicolai, Kisleveko gaiztagin bitarikoa
• Grisban, Snorrirekin batera iritsi dan nano hiltzaile eta hartz duna
• Carlos Pitico, Estaliako aitoren semea, handizalea, berekoia eta esgrima maisua
• Felix McGregor, bizitza hobego bat bilatzen ari den kontrabandista inperiala

Erroiaren Hilabetea,  15.eguna

Ogham harriaren runak kopiatu ostean, Felixen gurdian sartu eta bizirik atera ziren mertzenarioekin batera Artoisera bueltatuko da Konpainia. Herriko harresiak pasa eta lau soldaduak agurtu ondoren gehienak ostatura abiatu ziren txanpon batzuk galtzera, Felix ez bezala. Sigmarren jarraitzaile sutsua izan leike orain, baino, horrek ez du esan nahi bere ogibidea ahaztuta duenik. Jakinda Ninivera bueltatzekoak zirela, basoan faltan ikusi zuen zerbait erosi zuen han negozioa egiteko; burdina. Burdin asko, 200 kilo burdin. Gurdia topera kargatu eta oheratu ziren denak.

Erroiaren Hilabetea,  16.eguna

Hurrengo eguna, tamalez, nahiko iluna izango da Konpainia Askearentzat. Gurdiarekin Ninive basoruntz aterako dira eta eguerdirarte dena ondo joango da. Baina momentu batean, bidea desagertu eta galdu egingo dira. Noraezean dabiltzala behe-laino lodi batek inguruak estaliko ditu eta konturatuko diren moduan, ez du ezer onik ekarriko. Gurdiak segada bortitz bat jasango du, orain arte ikusi ez dituzten izaki boteretsu batzuengatik. Begi bakar eta buztan luzea, zakatz mehe eta beso luzeko arraza misteriotsua, Fimi bezala ezagutzen direnak.

Felix ihes egiten saiatuko da, gurdiko gurpilen marrazak erabiliz etsaiak trenkatzeko asmoz. Baina erasoan, munstroak tiraka dauden bi zaldu akabatuko dituzte eta gainera, gurdian bertan ematen ari den buruz burukoan, Nicolaiek azkorakada zital bat pairatzean, konortea galdu eta zorura eroriko da martxan. Egoera ikusita, Konpainiak amore emango du. Fimirren ahots sugertiarrak Felixen burdina, taldearen janaria, Piticoren dirua eta Grisbanen aizkora eskatuko dute bakean uzteagatik. Grisban ziurrenik, aizkora lapurtzen uzten den lehenengo nano hiltzailea izango da.

Ekonomiaren garro lizunak

Baino eguna hasiberri zegoen eta sorpresa gehiago zituen nonbait gordeta. Petit Chateautik gertu, errenka bidaiatzen ari zirela, esklabisten gurdi batekin topo egin zuten. Sei bretoniar zituzten gatibu modura eta ikusita borroka ez zela irtenbide xamurra Felixek beste zerbait egitea erabaki zuen; Esklabu guztiak erostea. Bretoiarrak haien herrira bueltatzean gure protagonistak heroiak bezala aurkeztuko dituzte eta honek Petit Chateauren buruzagia ezagutzea ahalbideratu zien. Uregna Rodicisinam, Noztog Rodicisinam (Inperioko bretoiar ezaguna)-en semea. Aitaren hilobia erakutsi zien eta afal ondoren fabore bat eskatu zien.

Uregna Rodicisinam

Erroiaren Hilabetea,  17.eguna

Uregnak kontatuko die nola bere goizeko txango batean, basotik gertu zebilela Dama bera gerturatu zitzaiola. Ez zuten hitzik elkartrukatu baino harrezkero umeak desagertzen hasi ziren Petit Chateaun. Lakuko Damaren izateaz dudarik ez zitzaion gelditu, baino orokorrean, bere herrian, ez zion inorrek sinisten. Damaren existentzi frogatzeko (eta bere oniritzia lor dezan hiru bretoiar herien errege bilakatzeko) agerpen bat behar zuen bere zaldunak sinistu dezaten behintzat. Jakinda Konpainia basora zijoala Damaren inguruko pistak topatzea eskatu zien eta opari bezala bere alaba, Helena, eskaini beharko diote (Kondairek diote, Damak bretoiarren alabak baitu eta damatxotan bilakatzen dituetala, aztien tankerakoak).

Bretoiarren ametsa

Gure protagonistek baiezkoa emango diote, hainbat arrazoiengatik. Damaren agerpena bretoiar zaldun guztiak erakarriko lituzke eta ziurrenik Griala bilatzen hasiko ziren. Uregnak arrakasta izango balu legitimizazioa lortuko luke bretoiar guztien errege bilakatzeko eta honek aliatu oso boteretsu baten bihurtuko luke. Bitartean, haren lagunak boteretsu bilakatzen ere. Uregnaren hitzak hauek izan ziren:

Gaur nire ondoan mantentzen dana etzi eta betirako nire eskerrak izango ditu

Honela, Konpainia Helena hartu eta Maarako lakura zuzendu ziren. Bazekiten hantxe ezkutatzen zala Dama edo bere aktoresa behintzat. Arazorik gabe iritsi eta umea han utzita Vanya ezagutu zuten. Vanya elfa azti paregabe bat da eta trikimailu magikoez baliatzen da Damaren papera jolasteko. Bera izango da azalduko diena Maarako elfoen planak. Uregna eta bere zaldunak etorri behar dira Ninivera, bera haien aurrean azaltzeko eta denak sinistu dezaten. Honek zurrumurrua zabalduko luke eta Vanyak bailarako zaldun guztien ametsen bitartez nahi zituen begitazioak sugestatuko lituzke hauen burutan. Grialaren bilaketa segituan hasiko zen eta Damaren hitzak jarraituz denak Ninivera abiatuko ziren, elfoen etsaien aurka borrokatu dezaten. Saria griala izango zen noski. Honela, elfoek behingoz, baso osoa berreskuratuko lukete.

Taldeak elfoen pragmatismoa ulertu eta onartu zuten. Atsalderako hiru zaldun gidatu zituzten baso trinko hontatik. Uregna bera, Jean-Michel eta Benoît Dupont. Badazpada, edarien bitartez drogatu zituzten (Vanyaren magiaren maila dudan jartzen zuten eta), baino elfaren boterea nahiko zela ohartu ziren. Hirurak herrira bueltatu ziren, fedeak ematen zuen fanatismoarekin. Griala aurkitu behar zan, eta horretarako erlikia ezkuatzen zuten izakiekin amaitu behar zan. Amets berdina izan zuten gau horretan bailarako zaldun guztiek. Aurki, bailaran aspaldian ikusi ez den bataila ematear zegoen.

Loth Bailarako Kanpaina (XX) Arrisku gorian

·Snorri, Iparraldeko mendietatik etorritako nano diletantea.
·Tag-Raz, Lurralde Lehiatuko ogro mertzenario harrigarrirki azkarra.
·Nicolai, Kisleveko gaiztagin bitarikoa
·Grisban, Snorrirekin batera iritsi dan nano milizianoa eta hartz bat duena
·Ygrit, Erreka-guardia gixa dabilen neskatxa ilegorri bretoniarra.


Erroiaren Hilabetea, 14.eguna

Azken Atsedenan bilduta, Konpainia Askeak arratsaldeko zauriak sendatzen dabiltza. Sutondoan, sugarraren mugimendua harretaz jarraituz, orain dela gutxi buruz buru borrokatutako izaki horiek gogoratuz. Etengabe erretzen ari ziren zuhaitz horietara bueltatzea suicidio bat zirudien momento haietan. Ezin izan zuten ezerrez egin, eta sugarraren laztanak dastatzean ihes egitea izan zuten irtenbide bakartzat.

Gauean, dena erabakitzeke zegoela, taldeko malapartatuenak jokoan diru kopuru polit bat irabazi ostean, Tag-Raz-en burmuina lanean jarri zen. Konpainia Askearen pertsonala une horietan ez zan nahikoa honelako lan bat egiteko. Laguntza behar zuten, bai Ogham-aren runak kopiatzeko eta baita ere munstro horiekin akabatzeko. Denbora galdu barik iragarki bat egitea agindu zuen, eta etorriberriak ziztu bizian lagundu zioten. Konpainia Askeak mertzenario bila zegoen eta noski, gure heroein ospea eta izenarekin ez zuten arazorik edukiko.

Alokatutako mertzenarioak...Expendables 

Erroiaren Hilabetea, 15.eguna

Hurrengo goizean 14 gizon aurkeztu ziren. Ordainsaria ona zen eta gure protagonisten anbiguetatea egin beharreko lana azaltzean nahikoa izan zen. Hamalau gizon hauetatik bik, gerlari profesionalak ziren eta heroiekin batera liskarraren pisu handiena eramateko misioa zuten.

Eguerdin zuhaitz berezi horiek egiten zuten zirkulura sartu ziren eta segituan, kontratatutako lau jarraitzaile, Oghameko runak kopiatzen hasi ziren. Bitartean, beraien inguruan inpernua hasi zen. Elementalen zartada bakoitzarekin haragia erretzen zen, arropa sua hartzen zuen eta oihuak zerua zeharkatzen zuten.

Azkenik, Snorri, Nicolai, Ygrit eta Grisban lurrean zeudela ihes egin hala ez eztabaidatzen hasi ziren. Zutik, Tag-Raz izukaitz oldarkor erasotzen zuen. Ihes? Inondik inora. Bere alboan, pertsonaiek Titan bezala ezagutzen zuten mertzenarioa ere tinko mantentzen zen. Biek, azkeneko lau kopiatzaileak babesten zituzten. Lana amaitzear zegoen eta mertzenarioa suzko bola batean bilakatu ondoren Konpainiaren ogroa bakarrik gelditu zen harresi bizidun bat bezala. Kolpeak leku guztietatik etortzen ziren, beroa jasanezina zen eta hala ere, kopiatzaileak behar zuten denbora eman zien. Behin lana bukaturik Tag-Raz, sua zeharkatuz, izugarrizko garaipen bat lortu zuen.

Tag-Raz

Loth Bailarako Kanpaina (XVIII) Epigonoen Talka 2.Zatia

• Tag-Raz, Lurralde Lehiatuko ogro mertzenario harrigarrirki azkarra
• Snorri eta Grisban, Iparraldeko mendietatik etorritako nanoak
• Thorin, Zhufbarretik etorritako familia nobleko nanoa
• Astaröth, basoko elfo harro eta isila, primerako arkularia
• Trubert Mahler, Talabeclandeko umemoko kadetea
• Thoryen, asrai ikaskuntzak alde batera utzi dituen aztia
• Felix McGregor, bizitza hobego bat bilatzen ari den kontrabandista inperiala
• Carlos Pitico, Estaliako aitoren semea, handizalea eta esgrima maisua

Erroiaren Hilabetea,  7.eguna

Gau osoa korrika psa ondoren Frederick Feuerbauenaren lurraldeetara iritsiko dira. Egunsentiarekin batera jabetuko dira Warwick gudarako prestatzen ari dela. Sitioarentzako armak, zaldunak eta gerlariak nonahi. Taldeak badaki, atetik sartzearekin batera erantzunik ez duten milaka galdera egingo dizkietela eta horrenbestez, etzi adostutako estrategia berriarekin jarraituko dute. Motxilak prestatu eta hori guztia ekidin. Iparralderuntz joango dira berriz ere. Vagyr Ilegorriaren babesa bila.

Baino hara iristean zaldunak ez die utziko kanpalekura sartzen, bere armada prestatzen ari baita eta harresiaren kanpokaldean geldituko dira gaua pasatzen.

Erroiaren Hilabetea,  8.eguna

Suaren inguruan abenturazaleak eztabaidatzen hasiko dira. Ez dira Vagyr, Merkataritza Konpainia, d'Antonelli edo Fredericketaz fio baino zerbait egin behar dute edo anabasa honen barnean atrapaturik gelditzeko arriskua izango dute. Honela, fakzio ahulena bixitatzea erabakiko dute. Hurrengo goizean Hafordera sartuko dira eta haien beldurrak gezurtatuz ez da inor beraien atzetik egongo. 

d'Antonellik ez daki zer gertatu zan Andreasekin (edo hori esaten du behintzat) eta hasierako planarekin jarraitzeko asmoa du. Hau da, erasoaren aurretik gurdian ihes egin Neuendorfera, hiria bere kabuz utzirik eta ondoren Aguilerako laguntzarekin birkonkistatu. Bitartean Trubert bere buruan bueltaka egon den ideia gauzatzen hasiko da eta kaleetako arloteak ahaikatuz hurbiltzen ari den gudaren aurka jarriko ditu, gerran sufritzen dutenak beti izanen baitira berdinak. Iraultzaren ardagaia piztu da.

Trubert Mahler, noble iraultzailea

Erroiaren Hilabetea,  9 eta 10.egunak

Haforden igaroko dute hurrengo eguna, eta Hans Bremmen pirata ez-hilaren etorreraren testigu izango dira.

Hans Bremmen, Kapitain Askea

Kartak mahaigainean

Hurrengo egunean Warwickeko soldaduak agertuko dira inguruko soroetan. Balistak, arrabio eta ahari-buruak harresiko gudarostean hotzikarak sortaraziko dituzte. Arratsalde horretan, inkisidoreak eta kapitainak aginduak ematen ari direla gure heroiak d'Antonelli ezkutuan aterako dute Hafordetik.

Baino bide erdian espero ez zuten zerbaitekin topo egingo dute. Neuendorfeko karreteran Hans Bremmen eta bere ez-hilak daude, Aguilera eta Merkataritza Konpainiaren indarrei itxoiten. Beldurrez eta azala zaintzeko d'Antonelli entregatuko dute, piraten etsai bezala salduz. Hans odolegartsu dago eta ezpatakada batez burua moztuko dio. Arkonearen heriotzarekin Konpainia Askea bere agenda partikularra abiatzeko prest dago.

Gauaren babeseam Hafordera bueltatuko dira. Milizianoak ateak ireki dituzte baino piratek eta inkisidoreek Warwickeko armada gainditzen ari dira. Gureei bost axola. d'Antonelliren Erloju-Dorrean infiltratu eta bertan ezkutatzen zituen armadura magikoak lapurtuko dituzte (Splinter Cell motz geratuko litzake). Arkontearen gurdia eta armadurekin Logiara joango dira. Behingoz, planen bat gauzatzen ari da.

Ezagutza eta Sekretuak

Logiarako bidean begitazio arraro batzuk izango dituzte:

Nano batzuk ikusiko dituzte lurpeko atetzar bat zeharkatzen. Haien atzetik milaka munstro, demonio eta izaki beldurgarri. Harrizko atea itxiko dute azkeneko momentuan eta runen bitartez giltzaperatuko dituzte etsaiak.  

Irudi hauekin Liburuzainari armadurak emango dizkiote eta honek, tratua itxiz, elfoen Ogham harrien kokapena emango die mapa zahar baten bitartez. 

Erroiaren Hilabetea, 11.eguna

Maparekin, Hafordera bueltatu eta piraten garaipenaren berri izango dira. Haford, piraten esku dago! Baino ez dute denborarik izango herriaz disfrutatzeko eta Margarita Kapitain askearen bitartez Ninivera joango dira.

Han, taldeki berriak Al-Dîrwak eta Selinonderen froga pasa ondoren, Ogham harri baten bilaketarako prestatuko dira (elfoen opariak eskuratu ondoren noski)

PD: Hurrengo postean, mapa berria

Loth Bailarako Kanpaina (XVII) Epigonoen Talka 1.zatia

• Tag-Raz, Lurralde Lehiatuko ogro mertzenario harrigarrirki azkarra
• Snorri eta Grisban, Iparraldeko mendietatik etorritako nanoak
• Thorin, Zhufbarretik etorritako familia nobleko nanoa
• Astaröth, basoko elfo harro eta isila, primerako arkularia
• Trubert Mahler, Talabeclandeko umemoko kadetea

Pertsonai Esanguratsuak

• Francesco d´Antonelli, Hafordeko arkontea
• Vagyr Ilegorri, Neuendorfeko lehenengo zalduna
• Frederick Feuerbahuem, Warwickeko printzea
• Epailea, bidaien dagoen apaiz sigmarita
• Liburuzaina, Logiako kidea
• Margarita, Kapitain pirata

Hau ez da joko bat, hau, Konpainia Askea da

Aste luze bat pasa da Grisban eta Snorri nanoa Errebalean ezagutu zirela. Han, egoera tamalgarria zen. Igarobideko mendikatean zehar, Kazorov anaien morroiak, Dieterren zaldun motelak eta kemenik gabeko akolitoak gainditu zituzten. Gaiztaginak Errebaleko lehenengo etxeetara ekarri zuten gudaren mintzoa eta Donovanek erregu egin zien haien aizkorak bertan utzi zezateen. Baino Grimmiren semeak burugogorrak dira eta abenturaren gosea zuten. Bost axola gizakien erresumak haien artean suntsitzen badira. Tabernari zaharra, etsita, erantzuna eman zien;

Abenturetan eskuratutako ohore eta diru kopurua atzean utzitako hildakoen haina izanen da. Zuen helburua hau bada, talde bakarra dago zuentzat. Konpainia Askea.

Zurrumurruak jarraituz, beste mertzenario eta abenturazaleen arabera, Ninive basoa, Warwick printzerria eta Haford inguruan mugitzen ari ziren. Gorpuak jarraitzea besterik ez zuten. Lurralde Lehiatuetara iristean jakin zuten taldeko bi halflingak tunel ilun batean akatuak izan zirela.

Atzo, Hafordeko ateetan zeuden merkatari batek Konpainia Askeko Gezrutag ogroaren heriotzaz hitz egiten entzun zuten Biano taldeen inguruan zeuden istorioak edozein hilketa baino erakargarriagoak ziren. Urrea, antzinako sekretuak, buruzagi ospetsuen belarriak, dena eskura zuten.

Azkenik, Morreko hilerrian aurkitu zituztenean, bi nanoak aurkeztu egin ziren. Harrotasunez, armak eskaini zituzten. Konpainiaren parte izan nahi zuten. Hilobietan eseritako gizonen begirada huts eta tristeak izan zuten erantzuntzat. Gaueko odola garbitu gabe oraindik, Astaröth, Trubert, Tag-Raz eta Thorin hitz hotz batzuekin azkeneko abixua eman zieten:

Ez pentsa hau joku bat denik. Urrezko txanpon bakoitza izerdi eta malkoetan ordainduko duzue.

Erroiaren Hilabetea, 6.eguna

Hurrengo goizean, d´Antonelliren leialtasuna non kokatzen zen jakin barik, eta ikusita guardiak beraien atzetik zeudela, hiru nanoak (Snorri, Thorin eta Grisban), Tag-Raz ogroa, Astaröth elfoa eta Trubert gizakia? zabor errefuxa kanporatzeko erabiltzen duten pasarteetatik Haford atzean utzi eta Neuendorfera abiatuko dira. Sitioa hemendik gutxira izango da eta inoiz baino galduagoak daude.

Segurtasun pixkat lortzeko, eta jakitearren Aguilerako planak sitioaren inguruan Neuendorfen Vagyr zaldunarekin elkarrizketatuko dira. Vagyrrek esango die, Aguilerak Haford erasotuko duela sitioa bukatu ostean, irabazlea ahula dagoenean eta gainera, Merkataritza Konpainiaren laguntza izango dute erasoan, kolpe batez piratekin ere amaitzeko. Borroka bukatu orduko, d´Antonelli hil eta hiriaren kontrola lortzea espero dute.

Vagyr Ilegorri

Orain bai ez zekitela zein babestu. Piratak lagunak ziren, baita Aguilera ere, eta taldearen barnean gertaerak bere erritmoa jarraitzeko hautuaren opzioa indarra hartzen ari zen, abenturazaleen esku hartzea ekidituz. Horregatik, liskar guztiak atzean uzteko, bixitatu gabe zegoen azkeneko herrira hurbiltzea erabaki zuten.

Durham

Zuen narratzaile honek zailtasunak izango ditu herri malapartatu honetan gertatuakoak azaltzeko. Komunitate xume honetako ostatuan geldituko dira gaua pasatzeko eta dena arrunta zirudien arren gauerdiaren ondoren gauza arraroak gertatzen hasiko dira.

Taldekide batzuk lo-ibiltari bezala aterako dira eraikinetik, herritarrek amu bezala erabiltzeko asmoa baitute. Besteak, lagunak babestuz herritarrekin talka egingo dute eta hauek jakinaraziko diete gau honetan norbait sakrifikatu behar dela, errekako izakia baretzeko. Eztabaida luzatzean errekak munstro ikaragarri bat kanporatuko du. Lau metroko giza itxurako ametsgaizto bat.

Herritarrak bertan utzi eta korrika ihes egingo dute, atzera begiratu gabe.